Lɛrɛvɔ Sɛbɛ 28:9 - Kazambale lé Sebe Sauunu 1979

⁹ ’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.

Lɛrɛvɔ Sɛbɛ 28:9 ပူးပေါင်းရင်းမြစ်များ

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Lɛrɛvɔ Sɛbɛ 78:71

É a si ’blanu lé wo nyɔ no ’wolé nénu lɛ, wo zuo, Léé, é fɛblele nɔ élé munu Jakɔb lɛ, É valé Izraɛl munu lé wo ke alé munu nya, wo lɛ.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.

Matio 2:6

Yé bii Bɛtléɛm, Juda tɛrɛ la, I tɔ ’ka kiéné Juda fla blɛnnu méléna lo. Naa, bii ta lé wo dan minwiinzan yaa lɛ, Yee ɛ dan fɛblele nɔ lɛ anlé munu Izraɛl lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Ezidras 1:4

Gakelebale lé munu lé wo vo, dé wa fɛofɛana, ’bɛna munu ’é fɛ nɔ wo lɛ, gɔɔlifu koo, kyan koo, fɛ bɛnu koo, winu koo, fɛnu lé wa no woboan koo, wo nya, Bale lé kɔn lé wo dan a dɔ lɛ Jérusalɛm, a dɔfɛ nya.

1 Minwiinzannu 8:51

naa, wa ilé munu valé ilé tɔnɔ nya, yé i wo si foliɛwɔlɛ gɔrɔ gi Éjipiti tɛrɛ la.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Lɛrɛvɔ Sɛbɛ 25:22

Baleoo, Bale, ’i Izraɛl si Wolé kleblelenu faa gi.

1 Minwiinzannu 8:53

Mizan, Gakelebale, i wo si a va tɛrɛlamunu bɛnu faa méléna, ilé wo kɛlɛle ilé tɔnɔ nya we gi, bé fe fɛan zo i wuozan Moizi lɛ bléyian va lé i ko tranu si Éjipiti tɛrɛ la, a zo.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Jérémi 31:7

Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Lɛrɛvɔ Sɛbɛ 14:7

Oo, de ɛ dan go lɛ Izraɛlmunu lé silewegi si lɛ Siɔn yé é da a nyaa? Gakelebale lé munu lé wo ke luu gi, dé é da wo nya é ziin, Jakɔb gi é dan nana lɛ, yé yéri é dan pa lɛ Izraɛlmunu lɔ ma, yé é gié é glɛ la.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

2 Samuɛl 21:3

David lé Gabaɔn munu lɛ léé: Maa dan kɛlɛ lɛ kaa, yé an wenyané ’ko nyaa yé ka Gakelebale lé tɔnɔfɛ drɔɔ voo?

2 Samuɛl 7:7

Ta faa lé ko wo Izraɛl munu nya, Izraɛl munu lé maa wo dɔ léé, ’wo anlé munu Izraɛl tabin, maa fe tan do wo va mi do lɛ léé, mɛmalé ka ’ka anlé sɛdrɛyili kɔn dɔ lɛ loo?

Bélidɔwesɛbɛ Fiézan 32:9

Naa, Gakelebale zé lé ke élé munu nya; Jakɔb ɛ ke azé tɔnɔ nya.

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.