Lɛrɛvɔ Sɛbɛ 26:1 - Kazambale lé Sebe Sauunu 1979

¹ David zé lé. Gakelebale, ’i we tegele kɛlɛ an lɛ, naa, gun ’ka anlé tawobɛ ma lo. An paan Gakelebale ta, an ’ka diaan lo.

Lɛrɛvɔ Sɛbɛ 26:1 ပူးပေါင်းရင်းမြစ်များ

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

JOB (Job) 2:3

Gakelebale lé Satan lɛ léé: I an wuozan Job yee? ’Bɛ zoɛ mi ’ka tɛrɛ la lo; mi ’ko a tegele yé alé tawobɛ a é drɔle; éé kanaan Kazambale lee, yé éé nwunzi dɔa wenaané ta. É dɔ kli élé tawobɛ drɔle gi, dɔlé ’té i an nyunu a saanle we gi é pla, ’té ’bɛ ’wuo ’ka lo.

JOB (Job) 4:6

Ilé kanale Kazambale lee ’ka bɔa i va loo? Ilé bli vole a lɛ ’ka i kɛla wéiin loo?

Lɛrɛvɔ Sɛbɛ 121:3

É ’ka dan a nyi si lɛ léé, i buu lo; Mian éé i tabin‐é é ’ka dan yi gyɛ lɛ lo.

Lɛrɛvɔ Sɛbɛ 15:2

Mian gun ’ka alé tawobɛ ma lo, ’té éé we tegele kɛla, ’Té webozen ke a bli gi, ’té éé a fé, yee lé.

Lɛrɛvɔ Sɛbɛ 21:7

Bé drɔɔ voo yifaama, Bé faan ginanale nya i yara,

Lɛrɛvɔ Sɛbɛ 25:2

Anlé Bale, an paan bii ɛ ta, té yara an gyɛ lo ma. Té an nyanézannu gi é nana anlé we ma lo ma.

Lɛrɛvɔ Sɛbɛ 25:21

Dé an bli kɛlɛ i lɛ, An nwiin pla valé anlé wedrɔle ’wo an ta béli dɔ ma.

Lɛrɛvɔ Sɛbɛ 26:11

Maa, maa tawoo tawobɛ lé gun ’ka a ma lo, a nya; I nyanai ’é zén an ta yé ’i an si munu lee.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 31:14

Maa an sɔnɔzannu dére maan, Di kini munu gi fɛfaana. Dé wo zén ékeva an ma weblele we ma Woo dére paan do an gyɛle we ma.

Lɛrɛvɔ Sɛbɛ 35:24

Gakelebale, anlé Bale, ’i anlé we ble ilé we tegele yɛrama. Té wo gi é nana anlé we ma lo.

Lɛrɛvɔ Sɛbɛ 37:31

Alé Bale lé bélidɔwe a a bli gi; A gane ’ka dan zi saan lɛ pelo.

Lɛrɛvɔ Sɛbɛ 4:5

Ka ma ’é nyɔɔn, té ka wenyané kɛlɛ lo;

Lɛrɛvɔ Sɛbɛ 43:1

Baleoo, Bale, ’i anlé we ble yé ’i dɔ an zuo, bɛn lé éé wenyané fé Bale lé zi ma, alé we ma. ’I an si munu lé woo dabli valé weple kɛla, wo lee.

Lɛrɛvɔ Sɛbɛ 54:1

David lɛrɛ ’ko vɔle gɔɔn lɛrɛvɔzannu zilɛzan lɛ. Kɔnɔ lé a balenu ke, ’wa gyɛ a va ma. David a vɔ

Lɛrɛvɔ Sɛbɛ 62:2

Iin, an boen éé paan Bale ɛ ta, An silewegi éé sié yee ɛ va,

Lɛrɛvɔ Sɛbɛ 62:6

Iin, an boen, ’i pa Bale ɛ ta, Naa, an bli kɛlɛle we lɛ éé sié yee ɛ va.

Lɛrɛvɔ Sɛbɛ 7:8

Munu faa ’wo zén ékeva i zi. ’I go wo ta loru fɛna nwale na.

Lɛrɛvɔ Sɛbɛ 94:18

Oo Gakelebale, dé maa léé, an sɔné san, Ilé zin kɛlɛ an buvɔmafɛ nya.

Wegɔnévɔlenu 20:7

Mi tegele éé tawoo é dɔbɛ wéiin gi; alé nénu lé woo dan a zuo, wo gi éé nanaan.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

2 Piɛri 1:10

Bɛwemalé, an bwenu, ’kabo tunu Bale lé ka laale valé alé ka sile a va kɛlɛle webozen nya we gi. We ’ko kɛlɛle nya lé ka ’ka dan saan lɛ monomono lo.

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.

1 Samuɛl 24:15

Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.