Lɛrɛvɔ Sɛbɛ 24:4 - Kazambale lé Sebe Sauunu 1979

⁴ Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 24:4 ပူးပေါင်းရင်းမြစ်များ

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

JOB (Job) 9:30

Dé an zuru ’yi kyɛ nyaoo, Dé an bɛ ma bɔ sabli nyaoo,

Lɛrɛvɔ Sɛbɛ 143:8

Maa ilé zin zuo ’ma bladi ma. Naa, maa a pale bii ɛ ta. Zi lé é a lé an tawo a ta, bé nagɔɔn an lɛ ma, Naa, an bɔn‐in bɔrɔle faa a i vazia.

Lɛrɛvɔ Sɛbɛ 15:4

Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

Lɛrɛvɔ Sɛbɛ 18:20

É an vo anboma é zima An sɔ a lɛ, amalé é an si we gi.

Lɛrɛvɔ Sɛbɛ 25:1

David zé lé. Gakelebale, anboen éé nwaan bii ɛ vazia.

Lɛrɛvɔ Sɛbɛ 26:6

An bɛnu ma folié ’té an nwiin a é pla, Oo Gakelebale, yé an giéma i banna zi,

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Lɛrɛvɔ Sɛbɛ 51:12

Baleoo Bale, ’i bli dɛrɛ bɛ nɔ an lɛ, ’I léli zin nɔ an lɛ é ziin.

Lɛrɛvɔ Sɛbɛ 73:1

Azafa lé lɛrɛ lé. Iin, Bale éé wezin kɛla Izraɛl lɛ, Munu lé wo bli gi ke é bɔle, wo lɛ.

Wegɔnévɔlenu 20:9

Mi kyɛn ɛ dan a fe lɛ léé: Maa an bli gi bɔ, maa anlé wenyané fwii?

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Ézékiɛl 18:15

dé yee, a be ’ko ’ka yobanfɛ blé gɔnu nwiin lo, yé é ’ka Izraɛlnu lé miyilinu baan lo, ’té é ’ka wenyané kɛla é bɔlu bɛ na va lo, ’té é ’ka yaan mi do kpen ta lo,

Ézékiɛl 18:6

’té é ’ka yobanfɛ blé yé é ’ka é yuɛ vɔa Izraɛl lé miyilinu ta lo, ’té é ’ka wenyané kɛla é bɔluzan na va gɔnu nwiin lo, yé ’té le lé é ’ka tegele lo é ’ka biéan ’bɛ ma lo bɛ,

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 5:8

Munu lé wo bɔn‐in ke fu, wa bɛan ’bɛ gi bɛ, ’bɛ a é zima wozé nya, naa, wo dan Kazambale ye lɛ.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.