Lɛrɛvɔ Sɛbɛ 21:9 - Kazambale lé Sebe Sauunu 1979

⁹ I bɛ é dan bɔ lɛ i nyanézannu faa lɛ, I bɛyi é dan bɔ lɛ munu lé i za ke wo gi, wo lɛ.

Lɛrɛvɔ Sɛbɛ 21:9 ပူးပေါင်းရင်းမြစ်များ

Wepélisiananu 19:28

Yé é yuɛ vɔ sɔdɔm valé Gɔmɔɔ vazia, yé é yuɛ vɔ fɛna pɛblɛɛ faa la, yé é ana kyɛgoi ye nwana bélé ’furu blɛn lé kyɛgoi zo.

Ezidras 6:12

Dé é a minwiinzan blɛn do nyaoo, dé é a bɛn do nyaoo, dé é an dére lɛgama, dé é Bale lé kɔn ’ko sɛrɛ Jérusalɛm Bale lé é tɔ pa fɛkona ma, ’é ’bɛzan gyɛ ma. Maa, Darius, maa we ’ko fe. ’Wa lɛdɔma é kele.

JOB (Job) 6:3

Wo bɛn é dan mini lɛ wɛyi gɔɔn ma nyéné la; Wean ma lé an dére kɛlɛ fɔɔ ’tugyɛzan dére nya, yee lé ke bɛ.

Lɛrɛvɔ Sɛbɛ 106:17

Yé tɛrɛ é lɛ so yé é Datan mini, Yé é lɛ tan Abiram valé élé munu ta.

Lɛrɛvɔ Sɛbɛ 18:38

Maa an nyanézannu zuo bin‐é, yé an dɔa wo ma, Dé an ’ka tan wo si lɛ tɛrɛ la tata lo, an ’ka diéraan an pa gi lo.

Lɛrɛvɔ Sɛbɛ 18:8

Wo tɛrɛ puo, ’té a ma éé nyɔɔn‐an, Tun dɔ gɔblɛnnu gane vɔnanu gi, A bliflile we ma lé wo manu nyɔɔn.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 2:5

’Té éé we fé wo lɛ élé bliflile gi. Éé wo gi nyɛ kinié élé bliflile blɛn nya

Lɛrɛvɔ Sɛbɛ 50:3

Kolé Bale a dana, é ’ka voo é tadɔle lo; Kyɛ a blena a ’lɛ, Lɛɛdafu plɛplɛ a zi lɛ sɔɔan.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 13:42

yé ’furu lé é tana kyɛ nya, wo dan wo vuli lɛ a gi, fɛana lé wuvɔle valé suiɛ la blele ke, ana.

Matio 13:50

yé wo dan wo vuli lɛ ’furu lé é tana kyɛ nya, a gi, fɛana lé wuvɔle valé suiɛ la blele ke, ana.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Matio 3:10

Wo zaa dɔ kɔɔn yili suni ma é kwakwa; bɛwemalé yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.