Lɛrɛvɔ Sɛbɛ 2:7 - Kazambale lé Sebe Sauunu 1979

⁷ Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Lɛrɛvɔ Sɛbɛ 2:7 ပူးပေါင်းရင်းမြစ်များ

2 Samuɛl 7:14

Maa dan kɛlɛ lɛ a ti nya yé é dan kɛlɛ lɛ an be nya. Dé é wenyané kɛlɛ, maa dan we lɛ dɔ lɛ a gi munu lé plén valé munu lé fɔlɛ nya;

JOB (Job) 23:13

Naa, we lé é dan a kɛlɛ lɛ, é a kɛlɛ é kyɛn; maa fé nɔɔ? We lé é sɔ aboen lɛ, éé a kɛla.

Lɛrɛvɔ Sɛbɛ 148:6

É wo dɔ gligli yifaama zé nya, a glɛ ’ka lo. É bélidɔwenu fe wo lɛ, yé é ’ka dan wo sɛrɛ lɛ pelo.

Lɛrɛvɔ Sɛbɛ 89:27

Yee ɛ dan an laa lɛ, ’té é a fé léé, bii a an ti nya, Anlé Bale valé an Siéwegi gɔlɛgɔ nya,

Ézai 46:10

We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Matio 8:29

Yé wo kun siaale ma léé: Bale be, mɛmalé i we kolé we maa? I da ’ko nyané pa lɛ ko ta a bléyi ’lɛɛ?

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

Kelewenu 13:33

Kazambale a lɛ sɔɔ, kaa lé kaa ke wolé nénu nya, kaa lɛ, Jézu nwale gamunu va nya, we lé ke é gyɛle Lɛrɛvɔ sɛbɛ a kuru fiézan gi, a yɛrama; wo léé: Bii ɛ ke an be nya. Maa i yaa kyɔ.

Kelewenu 8:36

Wa gona aan wo yé wo bɔ ’yi ma. Miblale léé: ’Yi lo; mɛ fɛ ɛ yi ga an lee léé, té wo an batizéwo loo?

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 5:5

Yé Krist é ziin, é ’ka Balebanmunu ’lɛzan dɔna blɛn si lɛ éboan lo, naa, mi lé é a fe a lɛ léé: Bii a an be nya, Maa i yaa kyɔ, ’bɛzan ɛ dɔna ’ko nɔ a lɛ, ’bɛ gi léé, Bale ɛ nɔ.

Ébrunu 5:8

Webozen nya, é a Bale Be nya, naa, duowo, alé nyanéblele ɛ lɛdɔmale paa a gi.