Lɛrɛvɔ Sɛbɛ 18:3 - Kazambale lé Sebe Sauunu 1979

³ Gakelebale, anlé gɔlɛgɔ, anlé guliyɔɔkɔn, an vo anbomazan. Anlé Bale, anlé gɔlɛgɔ, i gi lé an yɔɔna yé, An takuunzan, plɛplɛ lé éé an bélié, an yɔɔna.

Lɛrɛvɔ Sɛbɛ 18:3 ပူးပေါင်းရင်းမြစ်များ

2 Samuɛl 22:4

Maa siaan léé: ’Wo Gakelebale tɔ zin fe ma! Yé é an si an nyanézannu lee.

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 144:1

David zé lé. Gakelebale, anlé gɔlɛgɔ, a drɔɔ ’é vo ma, Yee ɛ gulidanbɛ paan an gi, Yee ɛ an kɛlɛ gulidanzan nya.

Lɛrɛvɔ Sɛbɛ 145:3

Gakelebale a blɛn; a tɔ zin fele yara lé, A kɛlɛle blɛn glɛ ’ka lo.

Lɛrɛvɔ Sɛbɛ 3:4

Naa, bii, Gakelebale, bii ɛ ke an takuunzan nya, Bii ɛ ke an tɔbɔzan nya, yé bii ɛ an ’wuo nwaan.

Lɛrɛvɔ Sɛbɛ 31:4

Naa, i a anlé gɔlɛgɔ valé anlé guliyɔɔkɔn plɛplɛ nya; Yé i tɔ lé we ma i go an nya, ’té i zi gɔɔn‐an an lɛ.

Lɛrɛvɔ Sɛbɛ 48:1

Bale tɔbɔlɛrɛ do lé. Lɛrɛ lé Koré benu a vɔ, yee lé.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 55:16

Gale ’é bɔra wo ma fiaa ma, Yé ’wo go migalenu nyanana é yuɛma ma. Naa, wenaané a wolé kɔn gi, wo méléna.

Lɛrɛvɔ Sɛbɛ 62:3

Iin, yee ɛ ke anlé gɔlɛgɔ valé an Siéwegizan nya; Yee ɛ ke an yɔɔna plɛplɛ nya, an ’ka dan dia lɛ lo.

Lɛrɛvɔ Sɛbɛ 62:8

Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

Lɛrɛvɔ Sɛbɛ 71:3

’I kɛlɛ an lɛ gɔlɛgɔ lé é ke an yɔɔna nya, a nya, ’Té an bɔa yɔɔle lɛ ana yifaama, I dére nɔ an lɛ léé, i dan an si lɛ we gi, Naa, i a anlé gɔlɛgɔ valé an yɔɔna plɛplɛ nya.

Lɛrɛvɔ Sɛbɛ 76:4

Ana lé sawɔlɛnu koo, Mibotakuunfɛ koo, gwɔun koo, gulidanfɛnu koo, é wo sɛrɛ. Ka ye do.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Lɛrɛvɔ Sɛbɛ 91:2

Maa lé Gakelebale lɛ léé: An vɔzizan valé anlé kɔn plɛplɛ, Anlé Bale, maa paan bii ɛ ta.

Lɛrɛvɔ Sɛbɛ 96:4

Naa, Gakelebale a blɛn, a tɔ zin fe yara lé é baba, É a kanamazan nya é mini balenu faa ta;

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

WENÉNÉ LÉ LUK A GYE (Évangile selon Luc) 1:71

Ko siéwegizan lé éé ko sié ko nyanézannu lee, é valé munu faa lé ko za ke wo gi, wo lee, yee lé.

Kelewenu 2:21

Yé dé miomian Mizan tɔ laa, é dan béli lɛ.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.