Lɛrɛvɔ Sɛbɛ 17:3 - Kazambale lé Sebe Sauunu 1979

³ Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 17:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

JOB (Job) 24:14

Migyɛzan éé nwaan é bladi tutu, Nyanégyɛzan valé mi lé a se do kpen ’ka a lɛ lo, éé wo gya, ’Té éé kyeen woo é béli.

Lɛrɛvɔ Sɛbɛ 11:5

Gakelebale éé mi tegele gi daan. Mi nyané valé mi lé glawe sɔ a lɛ, wo za a a gi.

Lɛrɛvɔ Sɛbɛ 119:106

An dan anlé balekundére lɛ sɔɔ lɛ, léé, An dan tawo lɛ ilé bélidɔwe tegelenu ta.

Lɛrɛvɔ Sɛbɛ 139:1

David lɛrɛ ’ko vɔle gɔɔn lɛrɛvɔzannu zilɛzan lɛ. David zé lé. Gakelebale, i an giwe naginian yé i an dɔɔ,

Lɛrɛvɔ Sɛbɛ 139:23

Oo Bale, ’i an giwe nagini; ’i an bli dɔɔ ma. ’I an giwe dan; ’i an ’wuogibɔrɔlenu dɔɔ ma.

Lɛrɛvɔ Sɛbɛ 16:7

Gakelebale éé we plaan an lɛ, maa a drɔɔ voo; É béli boenwo, an bli éé we plaan an lɛ.

Lɛrɛvɔ Sɛbɛ 26:2

Gakelebale, ’i an giwe nagini; ’i an gi dan, ’I an bli valé anlé gibɔrɔlenu nagini kyɛ nya,

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Lɛrɛvɔ Sɛbɛ 66:10

Oo Bale, naa, i ko gi dan Bélé fɛan zo lé woo gɔɔlifu selean kyɛ ta, a zo.

Lɛrɛvɔ Sɛbɛ 7:4

Gakelebale, anlé Bale, dé maa ’bɛ kɛlɛ, Dé we ple a an lee,

Wegɔnévɔlenu 13:3

Mi lé éé yuɛ paan ’é ’léé va, éé ébozen tabin‐é; lɔluzan éé vlan buruwo ébo sanna.

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

OZÉ (Osée) 7:6

Diale mi zi a wo bli gi bélé ’furu kyɛ zo; burukɛlɛzan éé yi gya é béli fɔɔ bladi bléyi va, ’té wolé ’furu tana.

Misé 2:1

Munu lé woo weple bɔrɔan ’wo bɔn‐in, ’té woo wenaané paan do ’wo yiɛna, wenaané ’é kɛlɛ wo lɛ ma. Dé tu kini tɔɔn, ’té wa kɛlɛna; wo bɛ a plɛplɛ, azama.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Malasi 3:2

A dayi nya ’naan, de ɛ dan dɔ lɛ a wuoo? Dé é da, de ɛ dan vo lɛ loru é dɔlee? Naa, é dan kɛlɛ lɛ bélé kyan selekyɛ zo, bélé sɔgibɔzan lé sabli kɛlɛ gwɛn zo.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 16:9

É béli Pɔl we do ye yuɛzi gi; Masédɔane mi do a é dɔle yé ’bɛ zanté vɔ Pɔl lɛ léé: ’I da ’i bɔ ko va Masédɔane.

1 Korent munu 4:4

naa, maa ’ka we do yé an saanwe nya an bli gi lo. Bɛwemalé maa a tegelee? Gba! Mizan ɛ anlé we blé.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Samuɛl 24:10

David lé Saul lɛ léé: Munu lé wa fe léé, David a kwa kulina wenyané kɛlɛle i lɛ we ma, mɛmalé i tɔné dɔa wo lɛɛ?

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 26:11

Gakelebale tɔ nya, an bɛ nwale Gakelebale lé nyɔnɔzénnwiinzan ma, ’bɛ a an ma baa. Din lé ke a ’wuoplalafɛ sɔnɔ, é valé ’yi kuo, ’i ’bɛ sia ’wo go.

1 Samuɛl 26:23

Gakelebale é dan mi faa do do banwo lɛ a kɛlɛwe tegele valé a yarapale we la yɛrama; naa, Gakelebale i pa kyɔ an lee, yé maa ’ka a va léé, an bɛ nwa Gakelebale lé nyɔnɔzénnwiinzan ma lo.