Lɛrɛvɔ Sɛbɛ 16:4 - Kazambale lé Sebe Sauunu 1979

⁴ Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

Lɛrɛvɔ Sɛbɛ 16:4 ပူးပေါင်းရင်းမြစ်များ

Wepélisiananu 35:14

Fɛana lé Kazambale we fe a lɛ, Jakɔb weseledɔmigifɛ dɔ ana. É a kɛlɛ gɔlɛnu nya, yé é baleban’yi valé nyɔnɔ zén a ta.

Lɛrɛvɔ Sɛbɛ 32:10

Mi nyanénu lé nyanéblelenu a kiɛre Naa, mian éé paan Gakelebale ta, alé zin é dan a zi lɛ sɔɔ lɛ.

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Ézai 57:6

Izé a yuu va naaninvɔlagɔlɛnu nya; izé ’bɛoo ’bɛ. Wo ta lé ka kalé yoban’yi zanaan; kalé blɛfɛnu kɛlɛ wo ɛ lɛ. We ’ko ’ka ’naan an ma loo?

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Lévinu 23:13

’ka a taa pa burupun zima lé wa vɔɔ nyɔnɔ nya, a suoné fié, saraka lé wa kyɛ blé, a nya, ’té Gakelebale a gin sié néné; yé ka dan baleban’yi zana lɛ dɔrɔ litré do é buu nya.

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.