Lɛrɛvɔ Sɛbɛ 150:3 - Kazambale lé Sebe Sauunu 1979

³ ’Ka a tɔ zin fe béli fɛnle nya ma. ’Ka a tɔ zin fe kpélé gyɛle valé kɔnɔ gyɛle nya.

Lɛrɛvɔ Sɛbɛ 150:3 ပူးပေါင်းရင်းမြစ်များ

2 Samuɛl 6:15

David valé Izraɛl munu faa go Gakelebale lé kɛsu nya gi nana siaale valé béli fɛnle nya.

2 Samuɛl 6:5

Lɛrɛvɔafɛ gɔnɔ faa lé wa kɛlɛ siprɛyili nya koo, kɔnɔ koo, kpélé koo, flin koo, yɔyɔ koo, kɔanu koo, David valé Izraɛl munu faa wo gyɛ Gakelebale ’lɛ.

Minwiinzannu lé Wezuofe Sɛbɛ 15:20

Zakari, Aziɛl, Sémiramɔt, Jééiɛl, Uni, Éliab, Maaséja, Bénaja, alamota gitaanu a ’bɛnu lee;

Minwiinzannu lé Wezuofe Sɛbɛ 15:24

Balebanzannu Sébania, Jozafat, Nétanéɛl, Amasai, Zakari, Bénaja, Éliézɛɛ, woo ɛ béli fɛɛn Kazambale lé kɛsu ’lɛ. Obɛd‐Édom valé Jékija a kɛsu kɔné sizannu nya é ziin.

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 16:42

Éman valé Jédutun a wo va, bélinu koo, kɔanu koo, fɛ bɛnu lé woo lɛrɛ vɔa wo va yé wo Kazambale tɔ bɔ koo, wo ’bɛnu bɛ pa ’bɛnu ɛ lee. Jédutun benu a kɔntayuɛpazannu nya.

Minwiinzannu lé Wezuofe Sɛbɛ 25:1

David valé munu kiɛre ’ko, wo mi kenu dɔ nyanama la é ziin. Azafa benu valé Éman benu valé Jédutun benu lé woo balelawe fé kɔnɔ valé kpélé valé kɔanu gyɛle nya, wo wo dɔ wolé nyanama la.

2 Minwiinmunu lé Wezuofe Sɛbɛ 20:28

Wo bɔ Jérusalɛm yé wo wɔra Gakelebale lé kɔn gi gitaa valé kɔnɔ gyɛle koo, béli fɛnle koo, wo nya.

Lɛrɛvɔ Sɛbɛ 108:2

Baleoo, Bale, an ma a é ’lɛrɛle, An dan lɛrɛ vɔ lɛ, an dan anlé flinnu gyɛ lɛ; ’bɛ a an ginanawe nya;

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 33:2

’Ka Gakelebale tɔ bié kɔnɔ gyɛle nya, ’Ka a tɔ bié, gitaa lé a bale ke vu, a nya.

Lɛrɛvɔ Sɛbɛ 92:3

Ilé zin zana dɔɔle bladi a é zima, Yé i yara pale we ta zana dɔɔle é béli a é zima,

Daniɛl 3:5

Béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la, yé kyan miyili lé minwiinzan blɛn Nébukanɛsaa a dɔ, ’ka a bɔ.

Mi Nɔnɔle 10:10

’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.