Lɛrɛvɔ Sɛbɛ 149:2 - Kazambale lé Sebe Sauunu 1979

² Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 149:2 ပူးပေါင်းရင်းမြစ်များ

JOB (Job) 35:10

Naa, mi do ’ka a fé léé: An Kɛlɛzan Bale lé Éé ginana lɛrɛ no an lɛ é béli,

Lɛrɛvɔ Sɛbɛ 47:6

Bale a guliwuovolɛzannu méléna, ’té woo faa goo siaale nya; Gakelebale éé goo ’é ’lɛzia, ’té woo béli fɛɛn.

Lɛrɛvɔ Sɛbɛ 95:6

’Ka da, kaa dia a ’lɛ, yé kaabo kɛlɛ kiéné, Kaa zun kaa powuo ta kaa Kɛlɛzan Gakelebale ’lɛ.

Ézai 43:15

Maa a Gakelebale, kalé Mi Sauun nya, Izraɛl kɛlɛzan, ka nwiinzan blɛn lé maa nya.

Ézai 52:7

Mi lé éé dan wenéné nya, ’Té éé vole drɔɔ zana dɔɔan, Mi lé éé dan wenéné nya, ’Té éé sile we gi zana dɔɔan, ’Té éé a fé Siɔn munu lɛ léé: Kalé Bale a é plale mi nwiin, Azan gane a é nɔnɔmi gɔnu nwiin.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 21:5

’Ka fe Siɔn munu lɛ léé: Ka ye, ka nwiinzan da ka va É gi drɔɔ nya, ’té é a é nyanale sokofale tina ta, Kɔnésiwi lé né ta.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LÉ LUK A GYE (Évangile selon Luc) 19:38

yé wo léé: Minwiinzan lé é da Mizambale tɔ gi, a drɔɔ ’é vo ma. Lagi ’é vo drɔɔ, yé fuasan ’é kɛlɛ fɛna loru baa mi.

WENÉNÉ LE JAN A GYE (Évangile selon Jean) 19:15

Naa, wo siaa léé: ’Bé gyɛ, ’bé gyɛ! ’Bé gyɛ yiliblan ta! Pilat lé wo lɛ léé: Maa ka nwiinzan blɛn gyɛ yiliblan taa? Balebanmunu segelenu léé: Sézaa ɛ ke ko nwiinzan blɛn nya é do kpen.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.