Lɛrɛvɔ Sɛbɛ 146:9 - Kazambale lé Sebe Sauunu 1979

⁹ Gakelebale éé bɛnnu takuun‐an, Ti valé bu galazannu koo, gyɛzaralomu koo, éé wo kunwo é zima. Naa, éé mi nyanénu lé we gi sɛra.

Lɛrɛvɔ Sɛbɛ 146:9 ပူးပေါင်းရင်းမြစ်များ

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

Esitɛɛ 5:14

A na Zérɛs valé a béénu faa lé a lɛ léé: É a lé wo yili do kɛlɛ, a torole é bɔ mɛtrɛ yɔ do wɔlɛ soru, yé tɛlɛ bladi bé laa minwiinzan blɛn lee léé, ’wo Maadosé dun a ma. ’Bɛ zuo yé ’i go fɛti ’ko kɛlɛna minwiinzan blɛn va, i ginanale nya. We ’ko sɔ Aman lɛ é baba, yé é léé, ’wo yili ’ko kɛlɛ.

Esitɛɛ 7:10

Yé wo Aman dun yili lé é a kɛlɛ kɔɔn Maadosé zé nya bɛ, a ma. Yé minwiinzan blɛn bliflile ta zana.

Esitɛɛ 9:25

Naa, dé Esitɛɛ go minwiinzan blɛn va, minwiinzan blɛn a fe yé wa gyɛ sɛbɛ gi léé: Wenyané lé Aman é gi bɔrɔ kɔɔn a nya léé, ’é a kɛla Juifinu lɛ bɛ, é nɔla yeebozen ta, yé wo yee valé é benu dun yili ma.

Lɛrɛvɔ Sɛbɛ 10:14

Naa, i a naginina duowo; i kleblele valé nyanéblele yé Wele wolé we ma we gi. I lee lé wenaané bɔmazannu wobozen bɛ paan, Bii ɛ bɔa bugalazan valé tigalazan va.

Lɛrɛvɔ Sɛbɛ 145:20

Munu faa lé Gakelebale éé sɔa wo lɛ, éé wo tabin‐é, Yé éé mi nyanénu faa kulu gaan.

Lɛrɛvɔ Sɛbɛ 147:6

Gakelebale éé wenaanébɔmazannu kunwo é zima, Éé wenyanékɛlɛzannu zunwo fɔɔ tɛrɛ va.

Lɛrɛvɔ Sɛbɛ 18:26

Ibo gɔɔn‐an mi zin nya mi zin lɛ, I we drɔle kɛla mi drɔle lɛ.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Wegɔnévɔlenu 15:25

Gakelebale éé boblɛnzannu lé kɔn guru zanaan, yé é zanagalalomu lé tɛrɛ glɛ vo ’é vona.

Wegɔnévɔlenu 4:19

Wenyanékɛlɛmunu lé zi a bélé gunuti zo; fɛ lé éé wo diaan wo ’ka a yé lo.

Jérémi 49:11

’I daan tigalazannu valé bugalazannu ma, maa dan wo vo lɛ é yuɛma, yé ilé zanagala lomu ’wo pa an ta ma.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

1 Korent munu 3:19

Naa, tɛrɛ ’ko la wedɔɔle a Kazambale yuɛ gi ’tugyɛwe nya. É ziin, é a é gyɛle Kazambale lé sɛbɛ gi léé: É wedɔɔzannu kunwo wolé gikinile gi,

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.