Lɛrɛvɔ Sɛbɛ 146:5 - Kazambale lé Sebe Sauunu 1979

⁵ Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Lɛrɛvɔ Sɛbɛ 146:5 ပူးပေါင်းရင်းမြစ်များ

Wepélisiananu 50:17

’Ka fe Jozɛfu lɛ léma: Wenyané valé we lɛrɛlɛrɛnu lé i bwenu a kɛlɛ i lɛ, ilé zanté, ’i wo ma we vo ma. Wo wenyané kɛlɛ i lɛ weboen nya, naa, ilé zanté, ’i ti lé Bale wuomunu ma we vo ma. Jozɛfu dére ’ko ’ma aan wo, é wuvɔ.

Lɛrɛvɔ Sɛbɛ 144:15

Munu lé wolé we ke ’bɛ zo, wozé a néné. Munu lé wozé Bale ke Gakelebale nya, wozé a néné.

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 33:12

Bɛn lé Gakelebale ke wolé Bale nya, wozé a néné. Migɔnɔ lé Bale wo si a va élé tɔnɔ nya, wozé a néné.

Lɛrɛvɔ Sɛbɛ 39:7

Iin, mi éé dɔwoo bélé furɔ zo, É a kɔɔna é pla; Éé fɛ tééan, naa, dé é dan vo lɛ de ɛ zé nyaa? é ’ka ’bɛ gi dɔɔa lo.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Lɛrɛvɔ Sɛbɛ 71:5

Naa, Mizan, Gakelebale, an bli a bii ɛ lɛ. An paan bii ɛ ta an boroné la bléyi va fɔɔ kyɔ.

Lɛrɛvɔ Sɛbɛ 84:12

Naa, Bale, Gakelebale a yiri nya; é a mi takuunzan nya, Gakelebale éé zin valé fua no mi lɛ, Munu lé gun ’ka wolé tawobɛ ma lo, é ’ka sɔn vɔa zin do kpen kɛlɛle ma wo lɛ lo.

Lɛrɛvɔ Sɛbɛ 84:8

Wolé tawo bléyi va, wolé plɛplɛ taa zén wo ta, Yé wo ’wobo nagɔɔn Gakelebale lɛ Siɔn.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Wegɔnévɔlenu 16:20

Mi lé éé we bɔrɔan é bɔn‐in éé wezin yé, yé mi lé é ébo bɛ paan Gakelebale lee, a gi éé nanaan.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.