Lɛrɛvɔ Sɛbɛ 143:10 - Kazambale lé Sebe Sauunu 1979

¹⁰ ’I ilé blibɔmawe kɛlɛle paa an gi, Naa, bii a anzé Bale nya. I léli zima ’é go an nya zi tegele ta ma,

Lɛrɛvɔ Sɛbɛ 143:10 ပူးပေါင်းရင်းမြစ်များ

Néémi 9:20

I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Lɛrɛvɔ Sɛbɛ 118:28

Bii a anzé Bale nya, yé maa dan i tɔ zin fe lɛ, Anzé Bale, maa dan i tɔ bié lɛ.

Lɛrɛvɔ Sɛbɛ 119:12

Gakelebaleoo, Bale, i drɔɔ ’é vo ma, ’I i déretawenu paa an gi.

Lɛrɛvɔ Sɛbɛ 119:35

’I go an nya ilé bélidɔwe sɔnnénu zuo, Naa, woo sɔa an lɛ.

Lɛrɛvɔ Sɛbɛ 139:24

Bé nagini, dé maa a zi naané taa? Yé ’i go an nya vole é yuɛma lé a glɛ ’ka lo, alé zi ta.

Lɛrɛvɔ Sɛbɛ 140:6

Boblɛnzannu woo san valé sélinu vɔa an lee, Yé woo wiaonu dɔa an lee zia, Yé woo an mabɛn‐é zia. Ka ye do.

Lɛrɛvɔ Sɛbɛ 22:1

Lɛrɛ lé David a vɔle gɔɔn lɛrɛvɔmunu ’lɛzan lɛ. ’Wa vɔ lɛrɛvɔafɛ lé wa laama tukinile lé vɔlɛ, a va.

Lɛrɛvɔ Sɛbɛ 23:3

Éé an fuu dɔa an ta, Éé goo an nya wetegele zinu ta, A tɔ lé we ma.

Lɛrɛvɔ Sɛbɛ 25:12

Mi kyɛn ɛ kanaan Gakelebale lee? Zi lé é a lé é a si a va ézé nya, Gakelebale a gɔɔn‐an a lɛ.

Lɛrɛvɔ Sɛbɛ 27:11

Gakelebale, ’i kɛlɛwenu paa an gi, ’I go an nya zi tegele ta An nyanézannu lé we ma.

Lɛrɛvɔ Sɛbɛ 31:14

Maa an sɔnɔzannu dére maan, Di kini munu gi fɛfaana. Dé wo zén ékeva an ma weblele we ma Woo dére paan do an gyɛle we ma.

Lɛrɛvɔ Sɛbɛ 63:1

Lɛrɛ lé David a vɔ, ’té é a nyéné saa lé fɛna Juda tɛrɛ la.

Ézai 29:10

Naa, Gakelebale é dan yi vɔ lɛ ka yuɛ la, ’bɛzama. É kalé balelayezannu yuɛ lɛ tan yé é sɔ zén kalé fɛnayezannu ’wuo ma.

Ézai 63:14

Gakelebale Léli go wo nya flinna bélé wi lé é zun gɔ worona, a zo. ’Bɛ zo lé i go ilé munu nya, i tɔ kɛlɛle blɛn we ma.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Mi Nɔnɔle 9:22

Dé lati vo é dɔle Bale lé sɔkɔn ta, dé yi fié léé, dé moné do léé, dé lɛɛ do léé, a nya, a zo duo lé Izraɛlnu lé kɔnnu éé mɔn‐o, ’té wo ’ka ta soowɔlaan monomono lo; yé dé é nwa, ’té wo é ta soowɔla.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 15:30

An bwenu, maa we plaan ka lɛ Kaazan Jézu Krist tɔ nya, é valé Kazambale Léli lé sɔlɛle nya léé, ’ka bɔ an va bazorole nya anlé we ma Kazambale lɛ.

Rom munu 5:5

yé bli kɛlɛle fɛ lɛ ’ka ko gya yara nya lo; Léli Sauun lé Bale a nɔ ko lɛ, é Kazambale lé sɔlɛle wɔra ko bli nya bélé nyɔnɔbɔ zo, azama.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

Rom munu 8:26

A zo duo lé, fɛ lé é a lé kaa a laa bazorole nya, kaa ’ka a dɔɔa lo, amalé Kazambale Léli éé bɔa kaa va kaa tuale gi. Naa, Kazambale Léli bozen éé goo kaalé muun nya, dunnu?-?lenu lé wo gifedére ’ka lo, wo nya;

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

Éfez munu 5:9

Naa, mi va kinile tɔnɔ lé ke wezin gɔnɔ faa koo, we tegele gɔnɔ faa koo, webozen gɔnɔ faa koo, wo nya.

2 Timoté 1:7

Kazambale ’ka kanabli vɔ lɛ kaa gi lo, naa, plɛplɛ koo, sɔlɛle koo, bo?-?kunle koo, a bli lé é a vɔ kaa gi.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.