Lɛrɛvɔ Sɛbɛ 141:4 - Kazambale lé Sebe Sauunu 1979

⁴ Té i an sia ana léé, an go we lɛrɛlɛrɛnu zuo lo, Kɛlɛwenu lé woo mi gya we nya, té maa wo kɛlɛ wenaanékɛlɛzannu va lo, Yé té an kɛlɛ wolé fɛtikɛlɛzannu va mi do nya lo.

Lɛrɛvɔ Sɛbɛ 141:4 ပူးပေါင်းရင်းမြစ်များ

Wepélisiananu 27:14

Jakɔb go wo si lɛ yé é da wo nya é bu lɛ, yé a bu a ti sɔlɛzian dɔne.

1 Minwiinzannu 13:8

Bale lé mi lé minwiinzan blɛn lɛ léé: Dé i ilé kɔngifɛnu lɛ do nɔ an lɛoo, an ’ka wɔraan i va lo. Maa ’ka dan buru ble lɛ fɛkona lo, yé maa ’ka dan ’yi mini lɛ fɛkona lo;

1 Minwiinzannu 22:22

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

1 Minwiinzannu 8:58

naa, ’é ko bli faa nɔla ’é vazia, kolé tawole alé zinu faa ta we gi, yé ko a sɔnnénu pa yé ko tawo alé bélidɔwe ta yé ko a déretawenu kɛlɛ, ’té é wo nɔ ko tranu lɛ bɛ.

Lɛrɛvɔ Sɛbɛ 119:36

An bli ’é bɔ ilé weplalenu ma ma, Té é bɔ tɔnɔ yele ma lo.

Lɛrɛvɔ Sɛbɛ 28:3

Dé i mi nyanénu valé mi plenu sia, té i an pa wo va lo. Woo vole drɔɔ dére fé wo punmazannu lɛ, ’té wenaané a wo bli gi.

Ézai 63:17

Oo Gakelebale, mɛmalé bé kɛlɛ léé, ko saan ilé zinu taa? Mɛmalé i ko bli kɛlɛ plɛplɛ yé ko ’ka kana lɛ i lee loo? ’I da é ziin, i wuozannu sɔle i lɛ we ma, bɛnnu lé ke ilé tɔnɔfɛ nya, wo sɔle i lɛ we ma.

Mi Nɔnɔle 25:2

Wo Izraɛlnu laa léé, ’wo pa ’wo va ’wolé bale banna, yé munu ana fɛ ble yé wo dia wolé balenu ’lɛ.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

1 Korent munu 15:33

Té ka gi kɛlɛ kabo lɛ lo. Dé mi vɔ misɛrɛzan zuo, éé a kɛlɛwe sɛra.

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Bélidɔwesɛbɛ Fiézan 2:30

Naa, Esibɔn munu nwiinzan Sioni ’ka a nyi si lɛ léé, ko gié ’élé fɛna lo; Gakelebale, kalé Bale a bli dɔ kpɛɛn yé é a bli dɔ plɛplɛ a pale ka lee we gi, fɛan zo lé ka ye kyɔ, a zo.

Bélidɔwesɛbɛ Fiézan 29:4

Naa, fɔɔ yi ’ko nya Gakelebale ’ka we’mabli vɔ lɛ ka gi lo, yé é ’ka weyeyuɛ valé we’matɔné nɔ lɛ ka lɛ lo.

SEBE LÉ JAK A GYE (Épitre de Jacques) 1:13

Dé wenyané lɔrɔ a mi ma, té azan a fe léé, Kazambale ’é gyɛ a lɔrɔ nya lo. Naa, wenyané lɔrɔ ’ka Kazambale gya lo, yé yeebozen ’ka mi gya a lɔrɔ nya lo.

Wegɔɔnle 18:4

Maa dére do ’ma la gi é ziin yé é léé: Anlé munu, ’ka si fla ’ko la, dé ka da pa a va alé wenyané kɛlɛle gi, yé bawurumagyɛ lé é dan a gyɛ lɛ bɛ, dé é da vɔ ka ma.