Lɛrɛvɔ Sɛbɛ 14:1 - Kazambale lé Sebe Sauunu 1979

¹ Lɛrɛ lé David a vɔle gɔɔn lɛrɛvɔmunu ’lɛzan lɛ. ’Tugyɛzan lé é bli gi léé: Bale ’ka pelo. Wa é vɔnle; wo tɛrɛgyɛwe kɛlɛ; Wo va mi do lé éé wezin kɛla, ’bɛzan ’ka lo.

Lɛrɛvɔ Sɛbɛ 14:1 ပူးပေါင်းရင်းမြစ်များ

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

JOB (Job) 15:16

’Té ’léévɔnzan lé éé nwaan mi ma, Blami lé éé weplenu minian bélé ’yi zo, ’té ’bɛ é dan kɛlɛ lɛ a yuɛ gi mɛ fɛ nyaa?

JOB (Job) 22:13

Yé i léé, Kazambale mɛ we ɛ dɔɔ? Éé fɛ yé gunutinu zii?

Lɛrɛvɔ Sɛbɛ 10:4

Mi nyané a fé boblɛn naané nya léé: É ’ka we lɛdɔa mi gi lo. Bale ’ka pelo. Bé ye, alé ’wuogibɔrɔlenu faa lé ke bɛ.

Lɛrɛvɔ Sɛbɛ 107:17

Tavozannu kɛlɛwe naanénu Valé wolé weplenu lé we ma lé wo kɛlɛ wenaanébɔmazannu nya.

Lɛrɛvɔ Sɛbɛ 53:1

David lɛrɛ ’ko vɔle gɔɔn lɛrɛvɔzannu zilɛzan lɛ. ’Wo séén fɛn a va. David zé lé.

Lɛrɛvɔ Sɛbɛ 73:3

Naa, an mi nyanénu lé ginanale ye aan wo, An maabo tavozannu va.

Lɛrɛvɔ Sɛbɛ 92:6

Oo Gakelebale, i panyanamanu a blɛɛn; Mi ’ka i gibɔrɔle gi maan lo.

Wegɔnévɔlenu 1:22

’Wuoplɛplɛzan, i dan daan lɛ ’wuoplɛplɛwe ma mɛ yi laa? Wenanamunu é dan daan lɛ we nanale ma mɛ yi laa? ’Tugyɛzan é dan we dɔɔ lɛ mɛ yi laa?

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 13:19

Fɛ lé mi bli bɔ a ma yé é a ye é a gi nanama, naa, sile wenyané ma baa ’ka sɔa ’tugyɛzannu lɛ lo.

Wegɔnévɔlenu 27:22

Dé i ’tugyɛzan pa ’sa va yé bé zɔn ’woli gi nwuni nyaoo, a voro ’ka so a ma lo.

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 6:28

Wo faa a nwamimazannu nya, yee valé mi tɔ sɛrɛzannu nya; wa plɛplɛ bélé zéné valé foliɛwɔlɛ zo; wo faa a é vɔnle.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Tite 1:16

Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

1 Samuɛl 25:25

Té anzan é mi ple, Nabal ’ko lé we pa é bli gi lo, naa, éé we kɛla bélé é tɔ zo; a tɔ lé Nabal yé ’tu a gyɛ. Yé maa, i wuo le, munu lé anzan a pa zia maa ’ka wo ye lɛ lo.