Lɛrɛvɔ Sɛbɛ 132:9 - Kazambale lé Sebe Sauunu 1979

⁹ Ilé Balebanzannu, ’wo we tegele zén ’wo ta bélé varɔ zo ma, Yé ilé yarapawelazannu ’wo siaa ginanale nya ma,

Lɛrɛvɔ Sɛbɛ 132:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:41

Sin, Gakelebale, ’i nwa, ’i da i flinna, bii valé i tɔbɔma kɛsu nya. Bale, Gakelebale, sile we gi ’é kɛlɛ i banzannu ta bélé varɔ zo, yé i sɔlɛzannu gi é nana wezin yele we ma.

JOB (Job) 29:14

Maa wetegele zén an ta, yé yee ɛ ke anlé varɔ nya. Anlé we drɔle a anlé varɔ blɛn valé an ’wuo ma nɔɔn nya.

Lɛrɛvɔ Sɛbɛ 104:1

An boen, ’i Gakelebale drɔɔ vo. Gakelebale, anzé Bale, i blɛɛn glɛ ’ka lo. Fua valé tɔbɔle a é zénle i ta bélé sɔ zo.

Lɛrɛvɔ Sɛbɛ 132:16

Maa dan Siɔn Balebanzannu kɛlɛ lɛ sile we gi zanadɔɔzannu nya, Yé alé yarapawelazannu wo dan siaa lɛ ginanale nya.

Lɛrɛvɔ Sɛbɛ 149:5

Guliwuo ’é vo yarapawelazannu lɛ ma, yé ’wo kɛlɛ fua nya ma, ’Wo siaa ginanale nya wolé yialafɛnu ta ma.

Lɛrɛvɔ Sɛbɛ 47:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

Lɛrɛvɔ Sɛbɛ 68:3

Mi nyanénu ta éé saan Gakelebale ’lɛ, Wo zuo éé dirian bélé kyɛgoi lé a zuo éé dirian, a zo; Wo ’yi éé boo bélé zɔrɔyoduo zo.

Lɛrɛvɔ Sɛbɛ 70:4

Munu lé wo ke siaana: Aa! Aa! ’Wo gyɛ ’wo zuo yara lé wo gyɛle we ma.

Lɛrɛvɔ Sɛbɛ 93:1

Gakelebale a é plale mi nwiin, fuasan a é zénle a ta bélé varɔ zo, Gakelebale plɛplɛ dɔ é gyɛn bélé kyɛsidi zo. É ziin, tɛrɛ a é dɔle gligli, a ma ’ka nyɔɔn‐an lo.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

Wegɔɔnle 19:8

yé wa se kɛlɛ lezan lɛ léé, ’é lɛnsɔ zima nyananyana gibɔle zén ’é ta. Naa, lɛnsɔ a Kazambale lé munu kɛlɛwe tegelenu nya.

Weblezannu 5:31

Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.