Lɛrɛvɔ Sɛbɛ 132:14 - Kazambale lé Sebe Sauunu 1979

¹⁴ Yee ɛ ke an flinna nya lɛɛfaama; Naa, an bli bɔ ana ma, amalé maa dan nyana lɛ ana.

Lɛrɛvɔ Sɛbɛ 132:14 ပူးပေါင်းရင်းမြစ်များ

1 Minwiinzannu 8:13

Yé maa, maa i nyanagikɔn dɔ; é a fɛ lé i dan nyana lɛ ana lɛɛfaama, a glɛ ’ka lo, a nya.

1 Minwiinzannu 8:27

Ii! Bale é dan nyana lɛ tɛrɛ la webozen nyaa? Bé ye, i ’ka sɔa lanu valé la zi lanu gi lo ’naan, kɔn lé maa a dɔ i lɛ ’ko, i dan sɔ lɛ ’bɛ gii?

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

Minwiinzannu lé Wezuofe Sɛbɛ 23:25

Naa, David léé: Gakelebale Izraɛl lé Bale flinle nɔ élé munu lɛ yé wo dan nyana lɛ yifaama Jérusalɛm;

Lɛrɛvɔ Sɛbɛ 132:8

Gakelebale, ’i nwa, ’i da i flinna, Bii valé ilé kɛsu lé woo i nini la kinile yé a la, a nya.

Lɛrɛvɔ Sɛbɛ 135:21

Gakelebale lé éé nyanaan Jérusalɛm, Siɔn munu, ’wa drɔɔ vo ma. ’Ka Gakelebale tɔ zin fe.

Lɛrɛvɔ Sɛbɛ 68:16

Bale lé gɔblɛnnu, Bazan lé gɔblɛnnu, Gɔblɛnnu lé wo nwiin ke kiɛre, Bazan lé gɔblɛnnu,

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Lɛrɛvɔ Sɛbɛ 76:2

Wo Bale dɔɔ Juda tɛrɛ la, A tɔ a blɛn Izraɛl tɛrɛ la.

Lɛrɛvɔ Sɛbɛ 87:2

Siɔn gɔrɔ ’léénu sɔ Gakelebale lɛ, É mini Jakɔb nyanananu faa ta.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

Ézai 8:18

Bé ye, maa valé nénu lé Gakelebale wo nɔ an lɛ, ko a tɔmasenu valé weyɔɔle bɔrazannu nya Izraɛlnu lɛ; lai sunyanu lé Gakelebale lé éé nyanaan Siɔn gɔ nwiin, yee ɛ ko kɛlɛ a nya.

Joɛl 3:21

Wo nyɛ lé wa zana, yé maa ’ka tan a lɛgi pa lɛ lo, maa dan a lɛgi pa lɛ, Yé maa, Gakelebale é dan nyana lɛ Siɔn.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Matio 23:21

yé mi lé é Balebangikɔn ’nyɔɔn, é Balebangikɔn valé ézan ’nyɔɔn;

Éfez munu 2:22

Ka é ziin, ka a Jézu gi, amalé é a ka dɔna ékeva yé ka kɛlɛ kɔn nya yé Kazambale ’é nyana a gi é Léli nya.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.