Lɛrɛvɔ Sɛbɛ 131:1 - Kazambale lé Sebe Sauunu 1979

¹ Gɔ gié lɛrɛ do lé. David zé lé. Gakelebale, an bli ’ka é fanle boblɛn nya lo, An ’ka fɛ naginian an yuɛ zuo lo, An ’ka bɔn‐in bɔrɔan we blɛn lé an bɛ ’ka sɔa a nya lo, a ma lo,

Lɛrɛvɔ Sɛbɛ 131:1 ပူးပေါင်းရင်းမြစ်များ

2 Samuɛl 6:22

Yé maa a a va léé, an kɛlɛ naané é mini ’bɛ la yé an kɛlɛ kiéné anbo yuɛ gi; naa, mi wuolomu lé bé fe bɛ, wo dan an tɔ bɔ lɛ.

JOB (Job) 42:3

Bii ɛ fe léé, de ɛ ’é giwe ta saan bélé ’tugyɛzan zoo? Maa lé; maa ’ka a gi ’ma lɛ lo, Givuruwenu lé woo giéan an ta, ’té wo ’ka boenwo dɔa an ’wuo gi lo, maa wo fe.

Lɛrɛvɔ Sɛbɛ 101:5

Mian é ’é bɔluzan tɔ sɛra kyeen gi, maa dan ’bɛzan sɛrɛ lɛ tata. Mian éé mi naginian é yuɛ zuo, ’té boblɛn a a bli gi, maa ’ka dan an ’wuo dɔ lɛ ’bɛzan lé we wuo lo.

Lɛrɛvɔ Sɛbɛ 122:1

Gɔ gié lɛrɛ do lé. David zé lé. Dé wa fé an lɛ léé, Kaa go Gakelebale lé kɔn gi, an gi éé nanaan.

Lɛrɛvɔ Sɛbɛ 124:1

Gɔ gié lɛrɛ do lé. David zé lé. Dé é a kɔɔn lé Gakelebale ’ka ko takuun lɛ lo, Izraɛl, bé fe ma;

Lɛrɛvɔ Sɛbɛ 133:1

Gɔ gié lɛrɛ do lé. David zé lé. Dé bwenu nyana ékeva É a é sɔke, é a néné;

Lɛrɛvɔ Sɛbɛ 139:6

Wedɔɔle blɛn ’bɛ zo éé an gi vuruan, É a an ma baa; an ’ka ’bɛ gi maan lo.

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 45:5

Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.

Mi Nɔnɔle 12:3

Naa, Moizi a bli tiéézan bozen nya, é mini tɛrɛlamunu faa la.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

Kelewenu 20:19

Maa a Mizambale lé nyanama pana bo kɛlɛle kiéné valé an yuɛyi zénle nya, ’té Juifinu an gi daan an ma we blele nya.

Rom munu 11:33

Kazambale lé fua koo, alé wedɔɔle koo, alé gi kinile koo, wo gié é glɛ la. Dé mi Kazambale lé weblele zuo kulioo, é ’ka dɔa a nyaana ma lo, yé mi ’ka a kɛlɛwenu gi maan lo.

Rom munu 12:16

’Ka ka ke mawenu dɔɔ ma. Té kabo kɛlɛ blɛn lo. ’Ka nyi si yé ka nyanama kiéné pa. Té ka kɛlɛ wedɔɔzannu nya kabozen yuɛ gi lo ma.

Bélidɔwesɛbɛ Fiézan 17:20

’Bɛ zo lé é ’ka dan ébo kɛlɛ lɛ blɛn é bwenu ma lo, yé é ’ka dan si lɛ bélidɔwe ’konu va yé é nɔla, dé a bɛyilazia léé, dé a bɛbolazia léé, ana lo, yé é dan mɔn lɛ élé plale mi nwiin zi, yé yee valé élé nénu é dan mɔn lɛ Izraɛl.

1 Tɛsalɔnik munu 2:10

Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin.

1 Samuɛl 16:13

Wibéli lé nyɔnɔ ke a gi, Samuɛl a si, yé é nyɔnɔ zén a nwiin a bwenu yuɛ va. É sia yi ’ko ma, Gakelebale Léli éé David kunwo yifaama. Samuɛl nwa yé é go Rama.

1 Samuɛl 16:18

A wuomunu va mi do léé: Bé ye, maa Bɛtléɛm mi Izai be do ye, yé é kɔnɔ gyɛle dɔɔ; é a mi plɛplɛ nya é ziin, nyanazan nya, gulidanzan nya, éé we fé é zima yé a yara a nɔnɔmi yé Gakelebale a a va.

1 Samuɛl 16:22

Saul we pa Izai lɛ zia léé: Ilé zanté, ’i David vo an va, naa, é sɔ an lɛ.

1 Samuɛl 17:15

David si Saul va yé é nɔla Bɛtléɛm é ti lé ’blanu tabinle we gi.

1 Samuɛl 18:23

Yé Saul wuozannu dére ’konu fe David lɛ. Yé David a zi pa léé: É dɔ ka gi léé, kɛlɛle minwiinzan lu zana nya a we kiéné nyaa? Maa a nyanégyɛzan nya yé maa a mi kiéné nya.