Lɛrɛvɔ Sɛbɛ 13:2 - Kazambale lé Sebe Sauunu 1979

² Gakelebale, an sele é dan vo lɛ é saanlé i gi fɔɔ bléyi faa maa? I yara é dan vo lɛ é yɔɔle an ma fɔɔ bléyi faa maa?

Lɛrɛvɔ Sɛbɛ 13:2 ပူးပေါင်းရင်းမြစ်များ

Néémi 2:2

Minwiinzan blɛn lé an lɛ léé: Mɛmalé i yara kyɛ vɔ a gii? Gyɛ ’ka i ma lo; we ’ko éé sié i bli kyɛdɔle va. Kana blɛn zén an gi,

Esitɛɛ 7:6

Esitɛɛ a zi pa léé: Yaamitazan, minyanézan, mi nyané Aman bɛ, yee lé. Di kini Aman gi minwiinzan blɛn valé é na yuɛ va.

JOB (Job) 10:15

Dé we an gyɛ, we tɔntɔn kɛlɛ an lɛ, Dé we ’ka an nwiin lo, é ’ka an gi léé, an ’wuo nwa lo, Yara an kua, yé anlé nyanéblele wɔra an ma, azama.

Lɛrɛvɔ Sɛbɛ 10:18

We tegele kɛlɛle ti valé bugalazan lɛ we gi, é valé munu lé woo yaan ’bɛnu ta, ’bɛnu lɛ; Wo we ’ko kɛlɛ léé, blami lé wa si tɛrɛ va, té é di blɛn kini mi gi bɛwo é ziin lo.

Lɛrɛvɔ Sɛbɛ 116:3

Maa a gabale gi, Gamunu nyanana lé nyanéblele bɔ an ma, Kleblele valé nyanéblele an gyɛ,

Lɛrɛvɔ Sɛbɛ 17:9

Mi nyanénu lé woo nyané paan an ta koo, An nyanézannu lé é ke migyɛzannu nya, yé woo an zi lɛ sɔɔan koo, wo lee.

Lɛrɛvɔ Sɛbɛ 31:18

Gakelebale, dé maa i tɔ laa té yara an gyɛ lo. Yara ’é mi nyanénu gyɛ ma, ’Wo zun mi galenu nyanana ’wo lɔlu lɛ tanle nya ma.

Lɛrɛvɔ Sɛbɛ 38:17

Naa, yé maa léé, dé an gane saan, té i zi nɔ wo lɛ léé, Wo gi é nana anlé we ma lo, yé té wo nwa an ma lo.

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 6:4

An boen éé we gi bɔrɔ paan é baba, Yé bii, Gakelebale, i dan we lɛ an zi mɛ yi laa?

Lɛrɛvɔ Sɛbɛ 7:2

Gakelebale, anzé Bale, maa a an yɔɔna naginina i va; ’I an si nyané pa antazannu faa lee, yé ’i an si we gi.

Lɛrɛvɔ Sɛbɛ 74:10

Baleoo, Bale, yaamitazan é dan ko sɔnɔ lɛ fɔɔ bléyi kyɛn vaa? Ko nyanézan é dan serele bo lɛ i tɔ ma yifaamaa?

Lɛrɛvɔ Sɛbɛ 74:18

Mi nyanézan éé Gakelebale sɔnɔan, Yé tawomunu woo serele boo i tɔ ma, wenu ’ko sele ’é dɔ i gi ma.

Lɛrɛvɔ Sɛbɛ 8:2

Gakelebale, kozan, I tɔ a blɛn tɛrɛ faa la. Ilé fuasan blɛn éé nwaan lanu ta loru.

Lɛrɛvɔ Sɛbɛ 9:6

I we lɛdɔa bɛnnu gi, yé i mi nyanénu sɛra tata. I wo tɔnu fwian yifaama zé nya, a glɛ ’ka dɔa lo.

Wegɔnévɔlenu 15:13

Ginanale éé mi yara bié, naa, dé mi bli kyɛ dɔ a fuu éé sié a ta.

Bale Lé We Gifezan 5:17

We lé maa a ye, yee lé ke ’ko: we lé ke é zin, ’té é ke é nɔnɔmi blami zé nya, yee lé ke léé, ’é fɛ ble, ’é fɛ mini, a gi ’é nana nyanama lé é a pa tɛrɛ la, a mafɛ zinnu ma, yinu lé Kazambale a nɔ a lɛ tɛrɛ la, wo gi; azé lé ke bɛ.

Jérémi 15:18

Mɛmalé an nyané blé bléyi faa maa? Mɛmalé an manɔn éé yaan yé é ’ka sɔ lɛ a lɛ léé, é nyaa loo? I dan kɛlɛ lɛ an lɛ bélé dabli ’yibɔna zoo? Bélé yuu lé é ’ka yoroan é dɛrɛ lo, a zoo?

Jérémi 45:3

Bii a fe léé: Wenaané kɛlɛ an lɛ, naa, Gakelebale anlé nyané blele taa pa bli kyɛdɔle nya. An bamaflin wo fɔɔ yé an wɔlɛ gi nyaa an ma, yé an ’ka flinle yé lo.

Jérémi 8:18

É sɔ an lɛ léé, anlé kleblele ta ’é zana; An bli a nyané blena an gi.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 5:20

Mɛmalé i gi éé saan ko ma yifaamaa? Mɛmalé i sɔn vɔa ko ma lɛɛ kiɛre gii?

Matio 26:38

Yé é lé wo lɛ léé: An bɔn‐in kyɛ dɔle ’ko, é vo sɛ yé é an gyɛ; ’ka vo ’ko yé ’ka vo é yuɛma an va.

WENÉNÉ LÉ LUK A GYE (Évangile selon Luc) 22:53

Maa a ka va yifaama Balebangikɔn gi yé ka ’ka an kun lɛ lo. Naa, bléyi ’ko a ka valé gunutinu lé plɛplɛ bléyi nya.

WENÉNÉ LE JAN A GYE (Évangile selon Jean) 16:6

Naa, maa we ’konu fe aan wo ka lɛ, amalé ka bli kyɛ dɔ é baba bɛ.

Filip munu 2:27

É gyɛ kɛlɛ webozen nya, fɔɔ yé é vo sɛ yé é ga; naa, Kazambale nyanai zén a ta. A ta saa‐an é nyanai zén lo; é nyanai zén an ta é ziin, té an bli gi kyɛ é dɔ é ke ta gɔnɔ fié lo we ma.

1 Samuɛl 18:29

Saul lé kanale David lee gi go gyɛle nya, yé é kɛlɛ a nyanézan nya élé tɛrɛla faa gi.

1 Samuɛl 24:19

Bé nagɔɔn kyɔ léé, i wi zin kɛla an vazia, Gakelebale an pa i lee, yé i ’ka an gyɛ lɛ lo, azama.