Lɛrɛvɔ Sɛbɛ 128:2 - Kazambale lé Sebe Sauunu 1979

² I i bɛ panyanama tɔnɔ blé, I gi éé nanaan yé i fua blé.

Lɛrɛvɔ Sɛbɛ 128:2 ပူးပေါင်းရင်းမြစ်များ

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 109:11

Vɛɛnpazan alé fɛnu faa sia gla nya ma, Yé bɛn bɛnu alé nyanama tɔnɔ si kyeen nya ma.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Ézai 65:13

Bɛwemalé Mizan Gakelebale léma: Ka ye, an wuozannu é dan fɛ ble lɛ yé lɔrɔ é dan ka gyɛ lɛ; ka ye, an wuozannu é dan ’yi mini lɛ, yé ’yiminilɔrɔ é dan ka gyɛ lɛ; ka ye, an wuozannu gi é dan nana lɛ yé ka gi é dan blin lɛ ka ma;

Jérémi 22:15

Sɛdrɛyili lɔrɔ lé i gyɛle we ma lé i ke é plale mi nwiin? I ti ’ka fɛ ble lɛ loo? É ’ka ’yi mini lɛ loo? Naa, é we tegele valé we zima kɛlɛ Yé a gi nana.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

Éfez munu 6:3

yee lé ke léé, ’bé kɛlɛ, i gi nanale we ma yé i mɔn tɛrɛ la.

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 28:39

Ka dan dɔrɔféi pa lɛ, yé ka dan ana wo lɛ, naa, ka ’ka dan a poro so lɛ lo, yé ka ’ka dan a ’yi mini lɛ lo, zirinu é dan vɔ lɛ wo gi ’bɛzama.

Bélidɔwesɛbɛ Fiézan 28:4

ilé nénu koo, ilé féifɛ koo, ilé trubɛnénu koo, ilé dirinu valé ilé bolinu valé ilé ’blanu fanle koo, wo faa drɔɔ é dan vo lɛ.

Bélidɔwesɛbɛ Fiézan 28:51

Wo dan kalé trubɛnénu valé kalé féifɛnu ble lɛ ka lee fɔɔ yé ka kulu é ga; ’sa koo, dɔrɔ’yi vinin koo, nyɔnɔ koo, dirinu valé ’blanu valé bolinu fanle koo, wo ’ka dan a do kpen vo lɛ ka lee lo, fɔɔ yé ka zamaga wo.

Bélidɔwesɛbɛ Fiézan 28:8

Gakelebale é dan kalé ’saboo drɔɔ vo lɛ; we faa lé ka a kɛlɛle pélisia, é dan ka drɔɔ vo lɛ ’bɛnu gi. Tɛrɛ lé Gakelebale, kalé Bale a nɔna ka lɛ, é dan ka drɔɔ vo lɛ ’bɛna.