Lɛrɛvɔ Sɛbɛ 127:1 - Kazambale lé Sebe Sauunu 1979

¹ Gɔ gié lɛrɛ do lé. Salomɔn ɛ vɔ. Dé Gakelebale ’ka pa lɛ kɔndɔmunu ta lo, ’Té wo panyanama ’ka vɔa a ma lo; Dé Gakelebale ’ka fla tabin‐é lo ’Té a tabinmunu éé yi keleé wo yuɛ ma é pla.

Lɛrɛvɔ Sɛbɛ 127:1 ပူးပေါင်းရင်းမြစ်များ

1 Minwiinzannu 5:12

Gakelebale wedɔɔle nɔ Salomɔn lɛ, é blikɛlɛlɛdére fe a lɛ fɛan zo, a zo. Yé Iiram valé Salomɔn vo drɔɔ wo ke va yé wo gi pa do.

Minwiinzannu lé Wezuofe Sɛbɛ 28:10

’É dɔ i bɔn‐in léé, Gakelebale i si a va léé, ’i kɔn dɔ ’é lɛ, ’élé fɛna sauun nya. ’I dɔ plɛplɛ, ’i we kɛlɛ.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

Lɛrɛvɔ Sɛbɛ 120:1

Gɔ gié lɛrɛ do lé. Anlé kleblele gi an siaan Gakelebale ɛ lɛ, ’Té éé a zi paan an lɛ.

Lɛrɛvɔ Sɛbɛ 121:1

Gɔ gié lɛrɛ lé. Maa an yuɛ vɔ gɔblɛnnu ta. De ɛ dan bɔ lɛ an vaa?

Lɛrɛvɔ Sɛbɛ 122:1

Gɔ gié lɛrɛ do lé. David zé lé. Dé wa fé an lɛ léé, Kaa go Gakelebale lé kɔn gi, an gi éé nanaan.

Lɛrɛvɔ Sɛbɛ 123:1

Gɔ gié lɛrɛ do lé. Biian i ke é nyanale la gi, An yuɛnu a i lɛ.

Lɛrɛvɔ Sɛbɛ 124:1

Gɔ gié lɛrɛ do lé. David zé lé. Dé é a kɔɔn lé Gakelebale ’ka ko takuun lɛ lo, Izraɛl, bé fe ma;

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 126:1

Gɔ gié lɛrɛ do lé. Bléyian va lé Gakelebale da é ziin Siɔn munu lé, wo go wo nya luu gi, wo nya, ’Té é a ko gi nyɛgyɛle zo.

Lɛrɛvɔ Sɛbɛ 72:1

Salomɔn zé lé. Baleoo, Bale, ’ilé weblebli vɔ minwiinzan blɛn gi, Yé ’ilé we tegele bli vɔ minwiinzan blɛn be gi.

Lɛrɛvɔ Sɛbɛ 78:69

Yé é ’é nyanana sauun dɔ bélé la zo, Bélé tɛrɛ lé é a gane vɔ yifaama zé nya, a zo.

Wegɔnévɔlenu 16:9

Mi éé gi bɔrɔan é giébɛ ma, naa, Gakelebale éé kunwo a bɛ ma yé éé zi gɔɔn‐an a lɛ.

Bale Lé We Gifezan 9:11

Maa ye é ziin tɛrɛ la léé, vlanburuzan baba ’ka bɔraan é vinin vlan za kɛlɛna lo; yé guliwuo ’ka vo nyanazan lɛ lo; wedɔɔzannu ’ka fɛblele yé lo, yé gikinizannu ’ka fua blé lo, yé ’wuoatazan ’ka wezin yé lo; ’bɛ faa éé sié azé bléyi valé a ziwenu va.

Wegɔné Ma Lɛrɛ 3:3

Fla taginimunu lé woo fla zi lɛ sɔɔan, ko kee wo nya; Maa laa wo lee léé: Mi lé an bli bɔ ma, ka a yee?

Wegɔné Ma Lɛrɛ 5:7

Flataginimunu lé woo giéan fla é béli, ko kee wo nya; Wo an bla, wo an tuo; Gɔrɔtabinzannu an ’wuo ma sɔ si.

Ézai 27:3

Maa, Gakelebale, maa ɛ ke a tabinzan nya. An ’yi zén‐é a ta bléyi faa va, an yuɛ paan a va é yiéyi valé é béli, dé wo da a sɛrɛ.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 62:6

Jérusalɛm, maa fla taginizannu dɔ ilé gɔrɔnu ta; Wo ’ka dan ’wo tadɔ lɛ béli valé yiéyi lo. Ka lé ka ke a sele dɔna Gakelebale gi, Té ka flin lo.

Jérémi 51:12

’Ka drapo nwa Babilɔn ma, ’ka sunyanu taa pa, ’ka wo taginizannu dɔ, ’ka fla mabɛn! Naa, we do a Gakelebale gi, yé wean é a fe Babilɔn munu ma, é dan a lɛ sɔɔ lɛ.

Jérémi 51:31

Lɛtrɛ kɔné sizannu kee, nwunvɔzannu gié é ke la, we zuo fele Babilɔn nwiinzan blɛn lɛ we ma; Wo léé: Wo diri ilé fla zi yé wa si;

1 Korent munu 15:14

Yé dé Krist ’ka nwa lɛ gale va lo, ’té kolé alé we fele kɛlɛ we pla nya; ’té ka bli vole a lɛ kɛlɛ we pla nya é ziin,

1 Korent munu 3:7

Amalé mi lé é a vɔ, é valé mi lé é ’yi zén a ta, wolé we ’ka blɛn lo, naa, Kazambale lé éé fɛ tin‐é, yee ɛ lé we ke blɛn.

Galasi munu 4:11

Maa a kanana léé, Nyanama faa lé maa a pa kalé we ma bɛ, dé a tɔnɔ ’ka kɛla loo?

Bélidɔwesɛbɛ Fiézan 8:18

Gakelebale, kalé Bale sele é dɔ ka gi ma; naa, yee ɛ pa ka ta yé ka kɛlɛ fuablezannu nya. É a kɛlɛ, gipawe lé é a kɛlɛ ébo ’nyɔɔnle nya ka tranu lɛ, a dɔle gligli we ma, fɛan zo lé é a kɛlɛ kyɔ ’ko, a zo.

Jozué 2:2

Jériko munu lé wo nwiinzan lɛ léé: Bé ye, Izraɛlnu da é béli ’ko, tɛrɛ naginile we gi.