Lɛrɛvɔ Sɛbɛ 112:9 - Kazambale lé Sebe Sauunu 1979

⁹ Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Lɛrɛvɔ Sɛbɛ 112:9 ပူးပေါင်းရင်းမြစ်များ

Lɛrɛvɔ Sɛbɛ 111:3

A panyanama a tɔbɔwe valé fuawe saa nya, Yé a kɛlɛwe tegele é vo ana lɛɛfaama.

Lɛrɛvɔ Sɛbɛ 112:3

Ginanafɛnu valé fuafɛnu a alé kɔn gi di, ’Té a kɛlɛwe tegele ana lɛɛfaama.

Lɛrɛvɔ Sɛbɛ 75:10

Maa dan we ’konu zana dɔɔ lɛ yifaama; Maa dan Jakɔb lé Bale tɔ bɔ lɛ lɛrɛvɔle nya.

Lɛrɛvɔ Sɛbɛ 92:10

Oo Gakelebale, i nyanézannu éé zamaga woo; Munu faa lé woo wenaané kɛla, wa é kinile ékema.

Lɛrɛvɔ Sɛbɛ 92:11

Yé i plɛplɛ no an lɛ bélé du zo, I nyɔnɔ dɛrɛ zén an ta.

Wegɔnévɔlenu 14:24

Fuafɛnu a wedɔɔzannu lé tɔkoro nya; ’tugyɛzannu lé tavowe a yifaama ’tu tanle nya.

Wegɔnévɔlenu 19:17

Mi lé a nyanai éé zén‐é nyanégyɛzan ta, éé drɔn paan Gakelebale lé é dan a lɛgi nɔ lɛ a kɛlɛwe yɛrama, ’bɛ ma.

Wegɔnévɔlenu 21:26

A bli éé bɔa fɛnu ma bladi nyanadi, naa, mi tegele éé fɛ no yé é ’ka a tadɔa lo.

Bale Lé We Gifezan 11:6

’Ilé fɛ vɔle pélisia bladi, é nyanadi té i flin lo; dé a kyɛn é dan vɔ lɛ a maa? dé a ’ko léé? dé a koɛ léé? i ’ka a gi dɔɔa lo; dé a fiénu a é zimaa? i ’ka ’bɛ gi dɔɔa lo.

Bale Lé We Gifezan 3:6

fɛ ginibléyi a, yé fɛ sanbléyi a; fɛ tadɔbléyi a, yé fɛ vulibléyi a;

Ézai 32:8

Naa, bɔn‐in drɔɔzan éé bɔn‐in daan we tegele ɛ nya, yé we lé éé bɔn‐in daan a nya, éé yara paan a lɛsɔɔle ta.

Ézai 58:10

dé ibo lé fɛblele nɔ lɔrɔgyɛzan lɛ, dé i nyanégyɛzan kan, i san é dan nwa lɛ gunutinu va, yé gunuti é dan kɛlɛ lɛ bélé yiéyi zo i nya.

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Matio 6:4

’I fɛ nɔ kyeen gi yé i Ti lé éé kyeengiwe yé, é dan i gooli pa lɛ.

Maak 14:7

Nyanégyɛmunu a ka va yifaama, dé é sɔ ka lɛ léé, ka wezin kɛlɛ wo lɛ bléyio?-?bléyian va, ka bɔalɛ. Naa, maa ’ka ka va yifaama lo.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

WENÉNÉ LÉ LUK A GYE (Évangile selon Luc) 16:9

Yé maa lé ka lɛ léé: ’Ka béé bɛ ble kalé tɛrɛlafua nya, yé dé a ’ko vuru ka ma yian nya, nyanana lé é ’ka sɛra monomono lo, ka dan a ye lɛ a mun va.

WENÉNÉ LÉ LUK A GYE (Évangile selon Luc) 18:22

Jézu ’bɛ ’ma aan wo yé é lé a lɛ léé: Ilé we do vo é ziin. ’Ilé fɛnu faa dan, yé bé mafɛ guli nyanégyɛmunu ma, yé i dan fɛwezan ye lɛ la gi. Dé i nyaa a nya faa ’i da an zuo.

WENÉNÉ LE JAN A GYE (Évangile selon Jean) 13:29

Gɔɔlipabala a Judas lee, bɛwemalé é dɔ mi kenu gi léé, Jézu lé a lɛ é wo léé: Fɛ lé ko mawe ke a gi fɛti zé nya, bé lɔ; taa, dé é lé é wo a lɛ lee, ’é fɛ nɔ nyanégyɛzannu lɛɛ?

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Kelewenu 4:35

yé woo goo a mafɛ nya nwunvɔzannu va, yé ’bɛnu a guli munu ma fɛan zo lé mi faa do do mawe ke fɛ gi, a yɛrama.

Rom munu 12:13

Fɛnu lé Kazambale lé munu mawe ke a gi, ’ka a nɔ wo lɛ. ’Ka munu bɛn si é zima.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Bélidɔwesɛbɛ Fiézan 15:11

Nyanégyɛmunu é dan kɛlɛ lɛ kalé tɛrɛ la yifaama, bɛwemalé maa bélidɔwe ’ko nɔ ka lɛ: ’i kɛlɛ bɛ ma wolowolozan nya i bwe lɛ, ’té é ke nyanégyɛzan valé tiané nya ilé tɛrɛ la bɛ, a lɛ.

Bélidɔwesɛbɛ Fiézan 15:14

fɛnu lé Bale i drɔɔ vo wo nya bɛ, i dan a ke nɔ lɛ a lɛ; i dan fɛ si lɛ ilé ’blanu valé ilé bolinu koo, ilé ’sa sunwona koo, ilé dɔrɔporo borona koo, wo va, yé i dan blɛ kɛlɛ lɛ a lɛ wo nya.

Bélidɔwesɛbɛ Fiézan 24:13

bé nɔ a lɛ yiri vɔbléyi va, yé ’é yigyɛ élé sɔ nya ’é ta yé ’é i drɔɔ vo; yé Gakelebale ilé Bale é dan ’bɛ ye lɛ i ma we tegele nya.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.