Lɛrɛvɔ Sɛbɛ 112:3 - Kazambale lé Sebe Sauunu 1979

³ Ginanafɛnu valé fuafɛnu a alé kɔn gi di, ’Té a kɛlɛwe tegele ana lɛɛfaama.

Lɛrɛvɔ Sɛbɛ 112:3 ပူးပေါင်းရင်းမြစ်များ

JOB (Job) 5:24

I gi é dan nana lɛ wezin ma ilé sɔkɔn gi, I dan ilé trubɛnu lɛ sɔɔle ye lɛ.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Lɛrɛvɔ Sɛbɛ 111:3

A panyanama a tɔbɔwe valé fuawe saa nya, Yé a kɛlɛwe tegele é vo ana lɛɛfaama.

Lɛrɛvɔ Sɛbɛ 112:9

Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Lɛrɛvɔ Sɛbɛ 34:10

Ka‐an ka ke Gakelebale lé munu nya, ’ka kana a lee ma. Naa, munu lé woo kanaan a lee, we do ’ka dan vuru lɛ wo ma lo.

Lɛrɛvɔ Sɛbɛ 34:11

Golizra boronénu ’ka dan fɛblele ye lɛ lo yé lɔrɔ é dan wo gyɛ lɛ, Naa, munu lé woo Gakelebale naginian, fɛ zima do kpen ’ka dan kle lɛ wo ma lo.

Wegɔnévɔlenu 15:6

Fɛ kiɛre a mi tegele lé kɔn gi, naa, blikyɛdɔwe a mi nyanénu lé tɔnɔ nya.

Wegɔnévɔlenu 21:20

Fɛwezannu baba valé nyɔnɔ a wedɔɔzan lé kɔn gi, naa, ’tugyɛzan éé wo sɛra.

Wegɔnévɔlenu 3:16

Mɔnle tɛrɛ la a wedɔɔle bɛyi lee; fua valé tɔbɔle a a bɛbo lee.

Ézai 32:17

We tegele kɛlɛwe é dan kɛlɛ lɛ vole drɔɔ nya, yé we tegele tɔnɔ é dan kɛlɛ lɛ flinle valé nyanale duaa nya, yifaama.

Ézai 33:6

I dan ilé tɛrɛla kɛlɛ lɛ drɔɔ; wedɔɔle valé ’wuoatawe a sile we gi ’wuo nya; kanale Gakelebale lee a Siɔn munu lé fɛwezan nya.

Ézai 51:8

Flatoronu é dan wo ble lɛ bélé sɔ zo, yé wo sɛrɛ, azama; Yé boworo éé ’blakyɛɛsɔ blé fɛan zo yé é sɛrɛ, a zo lé wo dan sɛrɛ lɛ. Naa, anlé we tegele é dan vo lɛ ana lɛɛfaama, Yé anlé mi sile we gi é dan vo lɛ ana mi kulu é kulu faa zé nya.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

2 Korɛnt Munu 6:10

woo ko yé bélé ko a bligikyɛdɔzannu nya, dɔlé ’té ko gi a é nanale yifaama; woo ko yé bélé nyanégyɛzannu zo, dɔlé ’té ko fuafɛnu nɔ mi kiɛre lɛ; woo ko yé bélé fɛ do kpen ’ka ko lee lo, dɔlé ’té fɛ faa a ko lee.