Lɛrɛvɔ Sɛbɛ 103:12 - Kazambale lé Sebe Sauunu 1979

¹² Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 103:12 ပူးပေါင်းရင်းမြစ်များ

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

Lɛrɛvɔ Sɛbɛ 113:3

É sia yiri bɔrale ma fɔɔ yiri vɔle ma, ’Wo Gakelebale tɔ ma gyɛ ma.

Lɛrɛvɔ Sɛbɛ 50:1

Lɛrɛ lé Azafa a vɔ. Bale, Bale, Gakelebale, i we fe yé i tɛrɛlamunu laa, Bé pélisia yirinwanazia fɔɔ yé é bɔ yirivɔna.

Ézai 38:17

Bé gini do, anlé nyanéblelenu boen‐oo, wo kɛlɛ an bélifɛ nya; É sɔ i lɛ kɔɔn léé, i an boen si yé sin an paiguru vo é pla, I anlé wenyané faa vo i bɛ zuo, azama.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 45:6

Maa we ’ko kɛlɛ léé, É sia yirinwana ma fɔɔ yé é bɔ yirivɔna ma, Munu faa a gi dɔɔ léé, Dé é ’ka maa nya lo, Bale bɛ ’ka lo. Maa ɛ ke Gakelebale nya, ’bɛ bɛ do kpen ’ka lo.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Ézékiɛl 18:22

Alé bélidɔwe sɔnné sɛrɛlenu faa sele é dan saan lɛ an gi. We tegele lé é a kɛlɛ, é dan vo lɛ é yuɛma ’bɛ we ma.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Misé 7:19

I nyanai é dan zén lɛ é ziin ko ta; i dan kolé weplenu pla lɛ i gane wuo, i dan kolé wenyanénu vuli lɛ wɛyi wɔlɛ ma.

Ébrunu 10:2

Dé é vo léé, é gun si munu ma ’naan, ’té wo ’ka daan lɛ saraka bole ma loo? Dé é vo léé, wo Bale bɔa ’bɛ zo yé wenyané é si wo lee gɔnɔ do lɛɛ faa zé nya ’naan, ’té wolé wevasibli é dan we dɔ lɛ wo nwiin é dɛrɛɛ?

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.