Lɛrɛvɔ Sɛbɛ 101:3 - Kazambale lé Sebe Sauunu 1979

³ Maa ’ka dan we lɛrɛlɛrɛ do kpen vo lɛ an yuɛ gi lo. Diérazannu lé tawobɛ za a an gi; É ’ka dan vɔ lɛ an lee lo.

Lɛrɛvɔ Sɛbɛ 101:3 ပူးပေါင်းရင်းမြစ်များ

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

Lɛrɛvɔ Sɛbɛ 119:113

Blifiézan za a an gi, Naa, ilé bélidɔwe sɔ an lɛ.

Lɛrɛvɔ Sɛbɛ 119:37

Té an yuɛ é bɔ boafɛnu ma lo ma, Yé ’i an vo é yuɛma, an tawo ilé zi ta.

Lɛrɛvɔ Sɛbɛ 125:5

Naa, munu lé woo goo san zinu ta, Gakelebale, ’i wo sɛrɛ tata ma, wo valé wenaané kɛlɛzannu nya. Izraɛl munu, ’wo vo drɔɔ ma.

Lɛrɛvɔ Sɛbɛ 139:22

Maa wo za paan zapale bozen nya; Maa wo yé an nyanézannu nya.

Lɛrɛvɔ Sɛbɛ 14:3

Wo faa zi buu, wo faa saan, Mian éé wezin kɛla, ’bɛzan ’ka lo, A do boen ’ka lo.

Lɛrɛvɔ Sɛbɛ 36:3

É ’ébo tɔrɔ paan Élé weple lɛ sɔɔle we ma, ’bɛ valé alé mi zapale lɛ sɔɔle we ma.

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Lɛrɛvɔ Sɛbɛ 40:4

Yé é lɛrɛ dɛrɛ paa an gi, Kolé Bale tɔbɔlɛrɛ lé. Mi kiɛre ’bɛ ye, yé wo kana Gakelebale lee, Yé wo pa a ta.

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Lɛrɛvɔ Sɛbɛ 78:41

Wo ’ka daan lɛ Bale gi danle ma lo, Wo ’ka daan lɛ zɛn vɔle ma Izraɛl lé Mi Sauun lɛ lo.

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Lɛrɛvɔ Sɛbɛ 97:10

Ka‐an, Gakelebale sɔ ka lɛ, ’ka wenaané za pa ma. Éé yuɛ paan élé yarapawetazannu boen va, Éé wo sié minyanénu lee.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Wegɔnévɔlenu 6:12

Mi vɔnle, weplekɛlɛzan, éé tawoo é ’léé lé vié nya;

Wegɔnévɔlenu 6:13

éé yuɛ bɛ do lɛ taan; éé we fé é gane nya, éé tɔmase kɛla é bɛnwɔlɛnu nya;

Wegɔnévɔlenu 6:25

Té i bli é bɔ a ma a nɔnɔmi we ma lo, yé té i daan ibo ma léé, é i saan é yuɛtakɔné gyɛle nya lo.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Bale Lé We Gifezan 6:9

Fɛ lé mi a yé ézé nya, a fila vɔ ’bɛ mini bli vɛvɛ ta. ’Bɛ a é ziin boawe valé we pla nya.

Ézai 30:11

’Ka si zi zin ta, ’ka si tawozi ta, ’ka Izraɛl lé Mi Sauun si ko yuɛi baa.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Zakari 8:17

té ka vazan do kpen é gi bɔrɔ wenaané nya é bɔluzan ma lo, yé té bale kunle vié nya é sɔ ka lɛ lo. Wenu lé wo ’ka sɔ lɛ an lɛ lo, wo lé ke bɛ. A zo lé Gakelebale a fe.

Matio 5:28

Naa, maa lé ka lɛ léé, miomian é yuɛ vɔ le do ta é bli bɔle a ma we gi, ’té é a gini é bli gi kwakwa.

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

Galasi munu 4:9

Naa lao, ka Kazambale dɔɔ. ’Bɛ ta loru, Kazambale ɛ ka dɔɔ. Yé é kɛlɛ kaa yé ka nɔla boawe tɔɔtɔɔ vininzannu ’ko vaa? É kɛlɛ kaa yé ka kɛlɛle wolé luu nya nyi si é ziin?

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 15:9

’I yuɛ pa ibozen va, té i gi kɛlɛ nyané yé bé fe i bli gi léé, lɛɛ sɔrafiézan, mivoéboma lɛɛ bɔ é pu, lo. ’I yuɛ pa ibozen va, té i kɛlɛ gi pɔnpɔnzan nya i bwe nyanégyɛzan ma yé i fɛ nyané kɛlɛ a lɛ lo. É dan siaa lɛ Gakelebale lɛ i tɔ nya, yé i dan wenyané kɔné dɔ lɛ ibo nwiin.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

Jozué 23:6

We faa lé wa gyɛ Moizi lé bélidɔwe sɛbɛ gi, ’ka yara pa a kɛlɛle valé a ta tawole ta tegele, té ka nɔla, dé ka bɛyilazia lé, dé ka bɛbolazia lé, ana lo.

2 Piɛri 2:21

Naa, dé wo ’ka kɔɔn zi tegele dɔɔ lɛ lo, ’bɛ fila vɔ; dé ’bɛ kaan lo, dé wa dɔɔ faa yé wo sɔn vɔ bélidɔwe ’lɛzan lé wa nɔ wo lɛ bɛ, a ma, ’bɛ a tɔntɔn.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.