Lɛrɛvɔ Sɛbɛ 100:3 - Kazambale lé Sebe Sauunu 1979

³ Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 100:3 ပူးပေါင်းရင်းမြစ်များ

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

Minwiinzannu lé Wezuofe Sɛbɛ 16:14

Gakelebale a kolé Bale nya; Alé webledérenu a tɛrɛ faa la.

JOB (Job) 10:3

É dɔ i gi léé, dé i kle pa i bɛ kɛlɛfɛ ta, ’Té i sɔn vɔa a ma, ’bɛ a é zimaa? Dé i mi plenu lé bɔn‐in bɔrɔmawenu lɛ sɔɔ, ’bɛ a é zimaa?

Lɛrɛvɔ Sɛbɛ 119:73

I an kɛlɛ i bɛ nya, bii ɛ an bɔra tɛrɛ la, I‐gikinile nɔ an lɛ, maa lé ilé bélidɔwe sɔnnénu draanle we gi.

Lɛrɛvɔ Sɛbɛ 12:4

Gakelebale ’é dabli lɔlu faa nyaa ma, ’Bɛ valé boblɛn lɔlu nya.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 78:52

É go élé munu nya bélé ’blanu zo, Bélé trubɛ zo, nyéné saa lé fɛna.

Lɛrɛvɔ Sɛbɛ 79:13

Yé ko, ilé munu, ilé wi lé lublena trubɛnu, Ko dan i tɔ nwa lɛ lɛɛfaama, a glɛ ’ka lo; Ko kulu é kulunu é dan i tɔ zin fele zana dɔɔ lɛ.

Lɛrɛvɔ Sɛbɛ 95:3

Naa, Gakelebale a Bale blɛn nya, É a minwiinzan blɛn nya é mini balenu faa ta.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Bale Lé We Gifezan 12:1

Pɛniɛzan, i gi ’é nana ilé pɛniɛ gyɛle gi, ’ibo nɔ ginanale lɛ ilé pɛniɛ la bléyi va, ’i tawo ilé blibɔmazi ta, fɛnu lé i yuɛ bɔ wo ma, ’i go wo zuo; naa, é a lé bé gi dɔɔ léé, Kazambale é dan i laa lɛ weblele i va we gi, we ’konu lé we ma.

Ézai 63:11

We lé é kɛlɛ é li kwakwa Moizi bléyi va, a sele dɔ Bale lé munu gi; mi lé é wo si wɛyi va élé trubɛ tabinzan nya, é a kyɛɛn? Mi lé é Léli Sauun pa wo va,

Ézai 63:19

Ana mɔn, ko kɛlɛ bélé munu lé i ’ka plale wo nwiin lo, ’té wo ’ka wo laan i tɔ nya lo, wo zo. Oo, dé é a kɔɔn lé i la fee gyɛ yé i zun, gɔnu ma é dan nyɔɔn lɛ i ’lɛ,

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Ézékiɛl 34:11

Naa, Mizan Gakelebale léma: Bé ye, maabozen é dan anlé ’blanu mawe kɛlɛ lɛ, maa dan wo nagini lɛ.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Bélidɔwesɛbɛ Fiézan 4:39

Amalé, kyɔ ka gi dɔɔ ma, yé ’é vo ka bli gi léé, Gakelebale a Bale nya ma; é a Bale nya la gi yé é a Bale nya tɛrɛ la, bale bɛ ’ka lo.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

1 Piɛri 2:25

Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 4:19

Amalé, munu lé wo ke kle blena Kazambale lé blibɔmale yɛrama, é a lé woboen bɛ pa Fɛkɛlɛzan lé é ke yarapawelazan nya, a lee, ’té woo wezin kɛla.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.