Lɛrɛvɔ Sɛbɛ 10:9 - Kazambale lé Sebe Sauunu 1979

⁹ É a é yɔɔle é yɔɔna bélé golizra lé ke é yiana, a zo. É a é yɔɔle é yɔɔna, a bɔrale wenaané bɔmazan ma fiaa yé é dia wo ta we ma. Éé din‐é a ta yé éé a ganaan élé séli nya.

Lɛrɛvɔ Sɛbɛ 10:9 ပူးပေါင်းရင်းမြစ်များ

Lɛrɛvɔ Sɛbɛ 109:31

Naa, éé dɔa nyanégyɛzan bɛyila, Munu lé woo ga dɔa a nwiin, a sile ’bɛnu lee we gi.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 140:5

Gakelebale, ’i an tabin mi nyanénu lee. ’I an tabin glazannu lee, Woan wo ke kwa kulina léé, ’wo an dia, wo lee.

Lɛrɛvɔ Sɛbɛ 17:12

Wa bélé golizra lé miwi kini ékema lɔrɔ ke a gyɛna, a zo. Wa bélé golizra boroné lé ke é yiɛna, ’té éé fɛ mabɛn‐é, a zo.

Lɛrɛvɔ Sɛbɛ 35:10

An wɔlɛnu faa é dan a fe lɛ léé: Gakelebale, de ɛ bɔa Wenaanébɔmazan sile lɛ mi lé a plɛplɛ mini a ta, a lee, bélé bii zoo? De ɛ bɔa wenaanébɔmazan valé nyanégyɛzan sile lɛ, mi lé é alé fɛnu sia, azan lee, bélé bii zoo?

Lɛrɛvɔ Sɛbɛ 37:14

Mi nyanénu éé gwɔun soo a gi, Woo sa ganaan yé a yili éé plin‐an, Wa kɛla wenaanébɔmazan valé nyanégyɛzan gyɛle za ma, ’É valé munu lé wo ke zi drɔle ta, wo bɔrɔ bole we ma.

Lɛrɛvɔ Sɛbɛ 59:3

’I an si wenaané kɛlɛzannu lee, ’I an si minyɛzanamunu lee.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Wegɔnévɔlenu 28:15

Mi naané lé éé plaan nyanégyɛmunu nwiin, é a bélé golizra lé ke wena, é valé urisi lé lɔrɔ ke a gyɛna, wo zo.

Ézai 3:15

De ɛ se kɛlɛ ka lɛ, ka anlé munu zɔn ka gane nya, ’té ka nyanégyɛmunu yuɛi kyɛ dɔaa? Mizan, lai sunyanu lé Gakelebale ɛ fe.

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Jérémi 5:26

Naa, mi nyanénu a anlé munu méléna; woo munu mavɔɔan bélé mianégyɛzan éé sannu dɔa mianénu lee fɛan zo, a zo. Woo sélinu vɔa, yé woo munu kunwo wo nya.

Jérémi Lé Wuvɔ Sɛbɛ 3:10

É kɛlɛ an lɛ bélé wi lé wa laama urisi, ’té éé mi ma vɔɔan, a zo, Bélé golizra lé é ke é yɔɔle, a zo.

Ézékiɛl 22:29

Tɛrɛ ’ko lamunu woo ’wobo no glawe kɛlɛle lɛ, ’té woo kyeenwoo; woo yaan wenaané bɔmazannu valé nyanégyɛzannu ta; woo we tegelenu gi sɛra bɛnnu yele nya ’wo yuɛ gi bélé winu zo.

Amɔs 3:4

Dé golizra ’ka tan é blefɛ ye lɛ lo ’naan, éé gi gunuan pɔrɔ gii? Dé golizrané ’ka tan wi gyɛ lɛ lo ’naan, éé siaan é yɛrɛ gii?

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Abaku 1:15

Wo nyanézan éé wo faa gya kɔ nya; éé wo ganaan élé séli nya. Éé wo zén‐é ékeva élé duɛ gi, ’té a gi éé nanaan, ’té a gi a drɔɔ.

Abaku 3:14

I ko nyanézannu nwiinzannu ’wuo fɔn‐o ilé sawɔlɛnu nya, Wo lé, woo vlanburuwo bélé fu plɛplɛ zo ko fwilale we ma, ’Té woo siaan ginanale nya Bélé fɛan zo lé wa wenaanébɔmazan wi blena tɛkɛ ’wo yɔɔna, a zo, woo lé.

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

WENÉNÉ LE JAN A GYE (Évangile selon Jean) 10:12

Naa, nyanamapazan lé é ’ka ’blatabinzan nya lo, ’té ’blanu ’ka azé nya lo, dé é glau ye dana éé sié ’blanu zi yé éé vian buruwo, ’té glau éé wo kunwo, ’té ’bɛ éé wo fwilaan.

Kelewenu 23:21

Té i tɔné dɔ wo lɛ lo. Wo vamunu ’léé gié mi yɔ fié ta, yé wo dan a mabɛn lɛ; wo gi pa do yé wo bale kun léé, wo ’ka dan fɛ do ble lɛ lo, yé wo ’ka dan ’yi mini lɛ lo fɔɔ ’té ’wo Pɔl gyɛ é wo. Sin, wo ma’lɛrɛle nyaa, yé wa ilé a nyi sile ɛ lɛbɛnna.