Lɛrɛvɔ Sɛbɛ 10:14 - Kazambale lé Sebe Sauunu 1979

¹⁴ Naa, i a naginina duowo; i kleblele valé nyanéblele yé Wele wolé we ma we gi. I lee lé wenaané bɔmazannu wobozen bɛ paan, Bii ɛ bɔa bugalazan valé tigalazan va.

Lɛrɛvɔ Sɛbɛ 10:14 ပူးပေါင်းရင်းမြစ်များ

Wepélisiananu 21:17

Kazambale né dére ’ma; yé Kazambale lé lanje Agaa laa la gi yé é lé a lɛ léé: Agaa, mɛ léé? Té i kana lo, naa, fɛana lé né ke bɛ, Kazambale a dére ’ma.

Wepélisiananu 31:12

É léé: ’I yara nwa yé bé gini. ’Blagɔnénu faa lé wa vɔna ’blanu ta, wo kɔlɛ nyɔɔ a pɔrɔpɔrɔ valé é vɔɔle valé golegole nya. We faa lé Laban a kɛlɛ i lɛ, maa a ye.

2 Samuɛl 16:12

Dé Gakelebale é dan anlé nyané blele ye lɛ, yé é wezin kɛlɛ an lɛ kyɔ zé bale pale an ma pa gii?

2 Minwiinzannu 9:26

Yese, maa Nabɔt valé é benu nyɛ ye, yé Gakelebale léé: Maa dan yee duo kɛlɛ lɛ bii é lɛ, yee féi duo ta. Amalé bé si, bé vuli féi, Gakelebale dére yɛrama.

2 Minwiinmunu lé Wezuofe Sɛbɛ 24:22

Wezinnu lé Zakari ti Jéojada a kɛlɛ minwiinzan blɛn Joas lɛ, a sele ’ka dɔ lɛ a gi lo, yé é a be gyɛ. Zakari a gana bléyian va, é léé: Gakelebale ’é ana yeoo ye, yé ’é we tegele kɛlɛ ma.

2 Minwiinmunu lé Wezuofe Sɛbɛ 6:23

’i tɔné dɔ lanu gi, ’i we kɛlɛ; ’i i leezannu lé we ble; ’i wegyɛzan gyɛ we nya, yé ’i ’bɛzan kɛlɛwe dɔ ébo nwiin; ’i weanwiinlozan zé kɛlɛ néné, yé ’i we kɛlɛ a lɛ alé we néné yɛrama.

Lɛrɛvɔ Sɛbɛ 146:9

Gakelebale éé bɛnnu takuun‐an, Ti valé bu galazannu koo, gyɛzaralomu koo, éé wo kunwo é zima. Naa, éé mi nyanénu lé we gi sɛra.

Lɛrɛvɔ Sɛbɛ 22:11

An bɔra bléyian va an bu bɔn gi, ’té i an tabin‐é fɔɔ kyɔ, Wo an yaa yian nya, ’té i a anlé Bale nya fɔɔ kyɔ.

Lɛrɛvɔ Sɛbɛ 31:8

Ilé zin ma lé an gi é dan nana lɛ fɔɔ yé é gié é glɛ ta; Naa, i an ye nyanaizénlazan nya, yé bé gi dɔɔ léé, anboen a nyané blena.

Lɛrɛvɔ Sɛbɛ 35:22

Gakelebale, ’i wo yé, té i vo é tadɔle lo. Mizan, té i si an ma baa lo.

Lɛrɛvɔ Sɛbɛ 55:22

A nɛnɛ la a néné bélé zɔrɔnyɔnɔ blagi lé, Naa, guli a a bli gi; A dérenu a yɔrɔyɔrɔ bélé nyɔnɔ zo, Naa, wa bélé gwɔun lé wa soo é kɔlɛ gi, a zo.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 68:6

Ti valé bu galazannu ti lé; zanagalalomu takuunzan lé, Yee ɛ ke Bale lé é ke é nyanale fɛna ’lɛzan na, a nya.

Fwile 2:25

Kazambale yuɛ vɔ Izraɛl lé nénu ta, yé a nyanai zén wo ta.

Fwile 22:22

Dé zanagalale léé, dé bu valé tigala né léé, té i nyané pa wo ta lo.

Fwile 22:26

Dé i bɔluzan élé sɔ dɔ i lɛ, bé nɔ a lɛ é ziin yiri vɔle ’lɛ;

Wegɔnévɔlenu 15:25

Gakelebale éé boblɛnzannu lé kɔn guru zanaan, yé é zanagalalomu lé tɛrɛ glɛ vo ’é vona.

Wegɔnévɔlenu 15:3

Gakelebale yuɛ a fɛfaana, mi nyané valé mi zinnu naginile we ma.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Jérémi 16:17

Naa, an yuɛnu a wolé tawozinu faa ta, wo yɔɔna do kpen ’ka an lee lo, yé wolé weplenu ’ka é yɔɔle an lee lo.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Jérémi 49:11

’I daan tigalazannu valé bugalazannu ma, maa dan wo vo lɛ é yuɛma, yé ilé zanagala lomu ’wo pa an ta ma.

Jérémi 51:56

Iin, fɛsɛrɛzan baa yee Babilɔn ta; Wo Babilɔn lé sunyanu si, Wo wolé sanu yéli. Naa, Gakelebale a Bale lé, éé mi faa do do banwoo ’Wo kɛlɛwenu yɛrama, a nya, Yee ɛ munu do do gooli paan.

Jérémi Lé Wuvɔ Sɛbɛ 3:59

Gakelebale, kle lé wa pa an ta, bé ye; ’I anlé we ble.

Jérémi Lé Wuvɔ Sɛbɛ 3:60

We faa lé wa lɛgi pa an ma, bé ye, Wo nwa an ma do, wo faa an ma we ble.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

Joɛl 3:4

Tii valé Sidɔn munu, ’kaa valé Filisitinu faa, Ka a a va léé, ka mɛ kɛlɛ an lɛɛ? Ka a a va léé, ka we lɛgi pa an maa? Dé é sɔ ka lɛ léé, ka we lɛgi pa an ma, Maa dan kalé we lɛgi pale nɔla lɛ ka ma é kele.

Abaku 1:13

Bii a sauun fɛan zo, i yuɛ ’ka vɔa wenaané ta lo, yé i ’ka bɔa weple naginile lɛ lo. Mɛmalé i dabli kɛlɛ munu yé, yé i ta é vo é dɔlee? Yé dé mi nyané a mi zin sɛrɛna, yé i ’ka a siéla loo?

Bélidɔwesɛbɛ Fiézan 10:18

éé we tegele kɛla bugalazannu valé tigalazannu valé gyɛzaralomu lɛ; éé bɛn lɔrɔ paan yé éé fɛblele valé sɔ no wo lɛ.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

1 Piɛri 4:19

Amalé, munu lé wo ke kle blena Kazambale lé blibɔmale yɛrama, é a lé woboen bɛ pa Fɛkɛlɛzan lé é ke yarapawelazan nya, a lee, ’té woo wezin kɛla.

1 Piɛri 5:7

yeebozen ɛ ka paan, amalé ’ka kalé gibɔrɔmawenu faa bɛ pa a lee.

Weblezannu 1:7

Adoni‐Bézɛk léma: Minwiinzan yɔ yaa wɔlɛ vu lé wo bɛnwɔlɛ gɔnénu valé wo ganewɔlɛ gɔnénu ke é bɔile, fɛblelenu lé wo dian anlé tablé wuo, yee lé wa blé. We lé maa a kɛlɛ, yee lé Bale a kɛlɛ an lɛ. Yé wo go a nya Jérusalɛm, yé é ga ’bɛna.