Lɛrɛvɔ Sɛbɛ 1:3 - Kazambale lé Sebe Sauunu 1979

³ É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 1:3 ပူးပေါင်းရင်းမြစ်များ

Wepélisiananu 39:23

Gakelebale a Jozɛfu va, amalé fɛnu lé ke Jozɛfu lee, bokɔngimunu nwiinzan ’ka é ’wuo gi bɔrɔan ’bɛ ma monomono lo. Yé we faa lé Jozɛfu a kɛla, Gakelebale a vɔa a ma.

Wepélisiananu 39:3

Azan a ye léé, Gakelebale a a va. Yé we faa lé éé a kɛla, Gakelebale a va gya é zima.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

Minwiinzannu lé Wezuofe Sɛbɛ 22:11

Sin, an be, Gakelebale ’é kɛlɛ i va ma, yé ilé we va ’é gyɛ ma, yé ’i Gakelebale ilé Bale lé kɔn dɔ, é a fe izé nya fɛan zo, a zo ma.

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

2 Minwiinmunu lé Wezuofe Sɛbɛ 31:21

We faa lé é ke a kɛlɛna, dé é a Bale lé kɔn va nyanama nyaoo, dé é a bélidɔwe valé a sɔnnénu zé nyaoo, é a élé Bale lé blibɔmawe naginina a gi. É a kɛlɛna é bli faa nya, yé we faa lé é a kɛlɛ, a nyian wo a ma tegele.

2 Minwiinmunu lé Wezuofe Sɛbɛ 32:23

Munu kiɛre da Gakelebale blannu nya Jérusalɛm, yé wo da fɛwezan babanu nya Juda nwiinzan Ézékia blan nya; é sia ’bɛ bléyi va a tɔ kɛlɛ blɛn bɛnnu faa yuɛ gi.

JOB (Job) 14:9

Dé lɛɛ da éé nɛɛan é ziin, Éé bɛnu kɛla bélé yili boroné zo.

JOB (Job) 22:28

Ilé we faa va é dan gyɛ lɛ, San é dan bi lɛ ilé zinu ta.

Lɛrɛvɔ Sɛbɛ 128:2

I i bɛ panyanama tɔnɔ blé, I gi éé nanaan yé i fua blé.

Lɛrɛvɔ Sɛbɛ 129:8

Dé munu a giéna, wo ’ka a fé léé, Gakelebale ’é ka drɔɔ vo, lo, Wo ’ka a fé léé, ko ka drɔɔ vo Gakelebale tɔ nya, lo.

Lɛrɛvɔ Sɛbɛ 92:14

Wa é surule Gakelebale lé kɔn gi, Wolé we nyian é wo kolé Bale lé gɔrɔ gi;

Lɛrɛvɔ Sɛbɛ 92:15

Tɔnɔ a wo ma wo kwa ta gi, Wo ’yi a wo va yé wo fuu a wo ta,

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 44:4

Maa dan wo tin lɛ bélé lu zo, Bélé yuusiayilinu lé wo ke ’yi sɔnɔ, wo zo.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Jérémi 17:8

É a bélé yili lé wa suru ’yi sɔnɔ, ’Té a suninu éé goo ’yiyoro va, a zo. É ’ka yɛrɛgabléyi gi dɔɔa lo, Yé a laa drɔɔdrɔɔ ’ka nyaan lo. Dé lɛɛ ’ka da lɛ lɛɛan gi lo, é ’ka ’bɛ kana paan lo, Yé a poro baale ’ka sié a nwiin lo.

Ézékiɛl 17:8

dɔlé ’té é a é surule tɛrɛ zima ta ’yi blɛn sɔnɔ, fɛana lé éé bɔa é bɛ torole lɛ yé é poro baa yé é kɛlɛ dɔrɔyili zima nya, ana.

Ézékiɛl 19:10

I bu a bélé bii zo; bélé dɔrɔféi lé É ke é pale ’yinu sɔnɔ, a zo. É a é fanle; ’té a bɛnu a di, ’Yi kiɛre lé we ma.

Ézékiɛl 31:5

Amalé a bo toro yé é gié féi yilinu faa ta, A blannu kɛlɛ kiɛre, a bɛnu soi. ’Yi kiɛrenu a tin, azama.

Ézékiɛl 47:12

’Yiyoro ’ko gɔ fiénu ta, yili gɔnɔ faa lé wo poro éé baama, wo dan kɛlɛ lɛ ana. Wo laanu ma ’ka dan yuru lɛ pelo, yé wo poro ’ka dan nyaa lɛ wo ma pelo. Wo dan tana lɛ moné faa do do ma, ’yinu lé wo dan bɔra lɛ fɛna sauun na, wo pli zi. Wo poronu é dan kɛlɛ lɛ blefɛ nya, yé wo laanu é dan kɛlɛ lɛ lia nya.

Mi Nɔnɔle 24:6

Wa é sɔɔlale fɛfaana, Wa bélé féinu lé wo ke yuu punma, wo zo; Wa bélé aloɛyili lé Gakelebale a suru, a zo; Wa bélé sɛdrɛyilinu lé ke ’yi gɔ la, a zo.

Matio 13:6

naa, a suni ’ka go lɛ baa lo, amalé dé yiri bi, é a kyɛ ble yé é ga.

Matio 21:19

É bɔrɔyili ye zi ma yé é bié a ma, naa, a laa saa lé é a ye a nwiin, yé é lé a lɛ léé: Té i poro é baa é dɛrɛ monomono lo ma. Tɔɔn bɔrɔyili ga.

Matio 21:34

Dé dɔrɔporo sobléyi pa é ’é wuomunu nwunvɔ élé féinwiinzannu va élé féi dɔrɔporo sile we ma.

Matio 21:41

Wo lé a lɛ léé: É dan munu naané ’ko gyɛ lɛ zamaga naané nya yé é dan mi bɛnu kɛlɛ lɛ dɔrɔféinwiinzannu nya, wo lé wo dan féimafɛ nɔ lɛ a lɛ a poro sobléyi va, woo lé.

WENÉNÉ LE JAN A GYE (Évangile selon Jean) 15:6

Dé mian é ’ka voo an gi lo, wa vulian béera bélé yilibɛ zo, yé ’é ga; ’bɛ zuo yé woo yee yilibɛnu sian yé woo wo vɔa kyɛ va, yé wo kyɛ é ble.

Bélidɔwesɛbɛ Fiézan 28:8

Gakelebale é dan kalé ’saboo drɔɔ vo lɛ; we faa lé ka a kɛlɛle pélisia, é dan ka drɔɔ vo lɛ ’bɛnu gi. Tɛrɛ lé Gakelebale, kalé Bale a nɔna ka lɛ, é dan ka drɔɔ vo lɛ ’bɛna.

SEBE LÉ JUD A GYE (Épitre de Jude) 1:12

Woo ka sɔle ka ke lɛ na fɛti tiri dɔa. Yara ’ka wo gya ka va fɛblele we ma lo, naa, wo kanle ’té ma lé wo ke. Wa bélé lafunu lé ’yi ’ka wo gi lo, ’té fu éé wo nyunuan bɛ, wo zo. Wa bélé yilinu lé, fɛ bɔra bléyi va, ’té wo poro ’ka lo, ’té wo ke é gale gɔnɔ fié, ’té wo suni ke é soowɔlale bɛ, wo zo.

Wegɔɔnle 22:2

Éé yoroan fla vuun méléna. Mibéliyili a é dɔle yee yuu gɔ fié la; éé poro yuɛɛ do do baan gɔnɔ vu ta fié, moné ma moné ma, yé a laanu a bɛnnu bélifɛ nya.