Wegɔnévɔlenu 9:8 - Kazambale lé Sebe Sauunu 1979

⁸ Té i we pla mimawenanazan lɛ lo, dé é da i za pa; ’i we pla wedɔɔzan lɛ yé i dan sɔ lɛ a lɛ.

Wegɔnévɔlenu 9:8 ပူးပေါင်းရင်းမြစ်များ

1 Minwiinzannu 1:23

Wa fe minwiinzan lɛ léé: Balelayezan Natan lo. É wɔra minwiinzan va yé é yia é bli la minwiinzan ’lɛ, ’té a yara a é buale tɛrɛ va.

1 Minwiinzannu 1:32

Minwiinzan David léé: Balebanzan Sadɔk koo, balelayezan Natan koo, Jéojada be Bénaja koo, ’ka wo laa, ’wo da. Wo wɔra minwiinzan va.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

Lɛrɛvɔ Sɛbɛ 141:5

Dé mi tegele an bla, ’té wezin lé é a kɛlɛ an lɛ; Dé mi we lɛdɔ an gi, ’té é a bélé é nyɔnɔ zén an nwiin. An ’ka dan an ’wuo si lɛ a wuo lo; Naa, an dan bazoro lɛ wolé wenaané kɛlɛle ma é ziin.

Wegɔnévɔlenu 1:5

Wedɔɔzan ’é tɔné dɔ ma, yé alé wedɔɔle gi é dan gyɛ lɛ, yé ’wuoatazan éé bɔa

Wegɔnévɔlenu 10:8

Mi lé é we dɔɔ é bli gi éé wepladére nyi sié, naa, ’tugyɛ lɔluzan éé vlan buruwo ébo sanna.

Wegɔnévɔlenu 13:1

Wedɔɔ be éé tɔné dɔa é ti lé wepaadére lɛ, naa, wenanazan ’ka we plale ’é lɛ nyi sié lo.

Wegɔnévɔlenu 13:18

Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

Wegɔnévɔlenu 15:12

É ’ka sɔ lɛ wenanazan lɛ léé, wo we pla ’é lɛ lo, é ’ka goo wedɔɔzannu va lo.

Wegɔnévɔlenu 19:25

Dé i wenanazan bla, nékénénémi é dan we dɔɔ lɛ; dé i we pla ’wuoatazan lɛ é dan wedɔɔle gi ’ma lɛ.

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

Wegɔnévɔlenu 23:9

Té i we fe ’tugyɛzan yuɛ va lo, naa, éé sɔn vɔa ilé wedɔɔdére ma.

Wegɔnévɔlenu 28:23

Mi lé éé we plaan munu lɛ, é voéla é dan zin ye lɛ é mini mi lé éé mi ze vɔa dabli nya, a ta.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Ézai 36:21

Naa, wo nwiinzan a fe wo lɛ léé: Té ka we zi pa a lɛ lo, amalé munu tadɔ yé wo ’ka we do kpen si lɛ a ta a zi lo.

Lévinu 19:17

Té i bwe za pa i bli gi lo; é a lé i we pla i bɔluzan lɛ, naa, té i wenyané dɔ ibo nwiin alé we ma lo.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 7:6

Té ka fɛ sauunnu nɔ blénnu lɛ lo, dé wo da nɔla yé wo ka wi kini ékema; yé té ka fɛwezannu zana surunu wuo lo, dé wo da a zɔn wo gane nya.