Wegɔnévɔlenu 8:36 - Kazambale lé Sebe Sauunu 1979

³⁶ Naa, mi lé éé wenyané kɛla an ma, éé wenyané kɛla ébozen ma; Munu faa lé woo an za paan, gale sɔ wo lɛ.

Wegɔnévɔlenu 8:36 ပူးပေါင်းရင်းမြစ်များ

JOB (Job) 35:6

Dé i wenyané kɛlɛ, i mɛ we naané kɛlɛ Bale lɛɛ? Dé ilé wenyané kɛlɛ kiɛre, ’té i mɛ ɛ kɛlɛ a lɛɛ?

Wegɔnévɔlenu 1:31

Wolé tawobɛ ma tɔnɔ é dan kɛlɛ lɛ wolé fɛblele nya, yé wobo lé weplalenu é dan wo kan lɛ;

Wegɔnévɔlenu 1:32

naa, ’wuoplɛlɛzannu lé tɔné gi plɛplɛ éé wo gya, yé ’tugyɛmunu ta béli dɔle éé wo saan;

Wegɔnévɔlenu 12:1

Mi lé a drɔle sɔ a lɛ, wedɔɔle ɛ sɔa a lɛ; mi lé éé weplale ’é lɛ za paan, é ’ka we dɔɔa lo.

Wegɔnévɔlenu 15:32

Mi lé éé sɔn vɔa é drɔle ma, é ébozen yé boami nya, naa, mi lé éé tɔné dɔa weplale lɛ, a gi é dan kini lɛ.

Wegɔnévɔlenu 20:2

Kana lé minwiinzan blɛn a zén‐é mi gi é a bélé golizra gi gunule zo; mi lé éé a bli flian é wenyané kɛlɛ ébo lɛ.

Wegɔnévɔlenu 21:6

Fɛwezannu lé wa yé vié nɛnɛ nya, wa boafɛnu lé wo dan san lɛ, wo nya, yé ga a wo zuo é pu.

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Jérémi 27:13

Mɛmalé bii valé ilé munu é dan ga lɛ gwɔun koo, lɔrɔ koo, migyɛgyɛ koo, wo lee? Gakelebale léé, dé bɛn‐an ’ka pla lɛ Babilɔn nwiinzan blɛn wuo lo, é dan ga lɛ, yee kaan loo?

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 16:28

Naa, Pɔl siaa dére plɛplɛ nya léé; Té i wenyané kɛlɛ ibo lɛ lo. Ko faa ana ’ko.

1 Korent munu 16:22

Dé Mizan ’ka sɔa mian lɛ lo, ’wo bale pa ’bɛzan ma ma. Mara?-?na‐ta, ’bɛ gi léé, Mizan, ’i da.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,