Wegɔnévɔlenu 8:17 - Kazambale lé Sebe Sauunu 1979

¹⁷ Munu lé an sɔ wo lɛ, wo sɔ an lɛ, Yé munu lé woo an ginian, woo an yé.

Wegɔnévɔlenu 8:17 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Wegɔnévɔlenu 1:28

Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔnévɔlenu 2:4

dé bé gini bélé gɔɔli ginile zo, dé bé zuo kuli bélé fɛwezan zo,

Wegɔnévɔlenu 2:5

naa, i dan kanale Gakelebale lee gi ’ma lɛ, yé i dan Gakelebale dɔɔ lɛ.

Wegɔnévɔlenu 4:6

Té bé vo lo, yé é dan é yuɛ pa lɛ i va; i bli ’é bɔ a ma, yé é dan i takuun lɛ.

Wegɔnévɔlenu 8:16

An nya lé dutinu koo, Mi segelenu koo, tɛrɛ la weblezannu faa koo, woo plaan munu nwiin.

Bale Lé We Gifezan 12:1

Pɛniɛzan, i gi ’é nana ilé pɛniɛ gyɛle gi, ’ibo nɔ ginanale lɛ ilé pɛniɛ la bléyi va, ’i tawo ilé blibɔmazi ta, fɛnu lé i yuɛ bɔ wo ma, ’i go wo zuo; naa, é a lé bé gi dɔɔ léé, Kazambale é dan i laa lɛ weblele i va we gi, we ’konu lé we ma.

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Ézai 55:6

’Ka Gakelebale nagini, bléyian va lé ka bɔa a yele lɛ, a bléyi va; Bléyian va lé é ke ka sɔnɔ, ’ka a tɔ laa.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Maak 10:14

Jézu a ye aan wo, é ’na a ma, yé é lé é zuomunu lɛ léé: ’Ka daan nunukénénénu ma, ’wo da an va. Té ka wo dale yi ga lo; naa, munu lé wo ke bélé nénu zo, Kazambale a é plale wo ɛ nwiin.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 16:27

an sɔ ka lɛ, yé ka dɔ a ta léé, an si Kazambale va, bɛwemalé ka sɔ an Ti bozen lɛ.

WENÉNÉ LE JAN A GYE (Évangile selon Jean) 5:4

Yi ke nya lanje do é zunwo ’yiguru va yé ’yi é nyɔɔn. Dé ’yi nyɔɔn, mian éé vɔa a va é vinin, éé bélié. Dé gyɛogyɛan é ke a ma, éé sié a ma.

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.