Wegɔnévɔlenu 8:15 - Kazambale lé Sebe Sauunu 1979

¹⁵ An nya lé minwiinzannu éé plaan munu nwiin, Yé minwiinzannu benu éé munu béli dɔa we tegele nya;

Wegɔnévɔlenu 8:15 ပူးပေါင်းရင်းမြစ်များ

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

1 Minwiinzannu 3:9

Amalé ’i wedɔɔbli nɔ i wuozan lɛ, ilé munu lé weblele we gi, wezin valé wenyané va sile we gi. Naa, ilé munu kiɛre ’ko, de ɛ bɔa wolé we blele lɛɛ?

1 Minwiinzannu 5:7

Iiram Salomɔn dére ’ma aan wo, a gi nana é baba, yé é léé: Gakelebale lé é wedɔɔbe nɔ David lɛ, a plale munu kiɛre ’ko nwiin we ma, a drɔɔ ’é vo kyɔ ma.

Minwiinzannu lé Wezuofe Sɛbɛ 28:5

Yé é négɔnénu nɔ an lɛ kiɛre, yé é an be Salomɔn si wo va, léé, ’é pla Izraɛlmunu nwiin, yé ’é nyana Izraɛl munu lé webleblin ta.

2 Minwiinmunu lé Wezuofe Sɛbɛ 1:10

Amalé, ’i wedɔɔle valé gikinile nɔ an lɛ, fɛan zo lé é a lé an tawo munu ’ko nwiinzan nya yé maa a dɔɔ. Naa, ilé munu kiɛre ’ko, de ɛ bɔa wolé weblele lɛɛ?

2 Minwiinmunu lé Wezuofe Sɛbɛ 1:11

Kazambale lé Salomɔn lɛ léé: I ’ka fua valé tɛrɛlafɛnu ma laa lɛ an lee lo; i ’ka a laa lɛ an lee léé, i tɔ ’é kɛlɛ blɛn lo, i ’ka a laa lɛ an lee léé, i nyanézannu ’é ga lo; é ziin, i ’ka a laa lɛ an lee léé, i mɔn tɛrɛ la lo, naa, i wedɔɔle valé gikinile ma laa an lee, léé, anlé munu lé maa i dɔ wo nwiinzan nya bɛ, i wolé we ble.

Lɛrɛvɔ Sɛbɛ 2:10

Yé sin, minwiinzan blɛnnu, ’ka tawo wedɔɔle nya. ’Kaa tɛrɛla weblezannu, ’ka we ’ma ma.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Wegɔnévɔlenu 29:4

Minwiinzan é élé tɛrɛ dɔa gligli we tegele kɛlɛle nya, naa, mi lé éé blɛfɛnu sié, éé a guru zanaan a gi.

Wegɔnévɔlenu 8:16

An nya lé dutinu koo, Mi segelenu koo, tɛrɛ la weblezannu faa koo, woo plaan munu nwiin.

Ézai 1:26

Maa dan ilé weblezannu dɔ lɛ bélé é vinin zé zo, yé maa dan ilé weplamilɛzannu dɔ lɛ bélé é vinin zé zo. Wo dan i laa lɛ é ziin, yarapawelafla.

Jérémi 33:15

’Bɛ yinu la, yé ’bɛ bléyi va, David punla é dan nɛɛ lɛ mi tegele do nya. É dan we tegele valé we drɔle kɛlɛ lɛ tɛrɛ la.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Rom munu 13:1

Mi faa ’é pla minwiinzannu wuo ma; naa, plale mi nwiin lé é ’ka sié Kazambale va lo, é ’ka lo, yé minwiinmunu lé wo ke ana, Kazambale ɛ wo dɔ.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 9:17

Samuɛl Saul ye tɔɔn, Gakelebale lé a lɛ léé: Mi lé maa alé we fe i lɛ, yee lo; yee ɛ dan pla lɛ anlé munu nwiin.