Wegɔnévɔlenu 6:23 - Kazambale lé Sebe Sauunu 1979

²³ Naa, weplale a kyɛbɔ nya, yé wepaale a kyɛsan nya, yé mi drɔ dérenu a mibélizi nya.

Wegɔnévɔlenu 6:23 ပူးပေါင်းရင်းမြစ်များ

Wepélisiananu 39:8

Jozɛfu ’ka a nyi si lɛ lo, yé é lé ézan na lɛ léé: Anzan lé we do kpen kana ’ka ’é gi lo; é ’é leefɛnu faa bɛ pa an lee.

Lɛrɛvɔ Sɛbɛ 119:105

I dére a kyɛbɔ nya, a nya lé an wuo yé, Yé éé san nwɛɛn‐an anlé zi ta.

Lɛrɛvɔ Sɛbɛ 119:130

I dére gi ’male éé mi va kinié. Munuan wo gi ’ka é kinile tegele lo, éé wo gi kinié.

Lɛrɛvɔ Sɛbɛ 141:5

Dé mi tegele an bla, ’té wezin lé é a kɛlɛ an lɛ; Dé mi we lɛdɔ an gi, ’té é a bélé é nyɔnɔ zén an nwiin. An ’ka dan an ’wuo si lɛ a wuo lo; Naa, an dan bazoro lɛ wolé wenaané kɛlɛle ma é ziin.

Lɛrɛvɔ Sɛbɛ 19:8

Gun ’ka Gakelebale lé bélidɔwe ma lo, éé fuu dɔa miboen ta, Gakelebale lé wenayedére a webo?-?zin nya, éé wedɔɔle no wedɔɔalozan lɛ.

Wegɔnévɔlenu 10:17

Mi lé a drɔle sele éé dɔa a gi, é a bélile zi siana, naa, mi lé a gi éé saan we plale é lɛ ma, é a ébo sanna.

Wegɔnévɔlenu 15:24

Wedɔɔzan bélizi éé goo loru, a paale we gi, zi lé éé goo gamunu nyanana lé ke guru gi, a ma.

Wegɔnévɔlenu 15:31

Wepladére lé éé goo mi nya bélile va, mi lé éé tɔné dɔa ’bɛ lɛ, é dan nyana lɛ wedɔɔmunu va.

Wegɔnévɔlenu 29:15

Vlewɔlɛ valé mi drɔle, woo mi kɛla wedɔɔzan nya, naa, né lé wa vo é pla é dan é bu gyɛ lɛ yara nya.

Wegɔnévɔlenu 3:18

É a mibéliyili nya munu lé wa kunwo, wozé nya, yé munu lé wo we dɔɔ, wo gi a é nanale.

Wegɔnévɔlenu 4:13

We lé wa paa i gi, ’é vo i gi, té é san i gi lo; é a i bélifɛ nya amalé bé tabin.

Wegɔnévɔlenu 4:4

An ti we paa an gi, yé é lé an lɛ léé: An dére ’é vo i bli gi ma; ’i anlé weplale nyi si yé é dan vo lɛ é yuɛma.

Wegɔnévɔlenu 5:12

yé i léé, mɛmalé munu lé an drɔle za kɛlɛ an gii? Mɛmalé an bli weplale an lɛ ye boawe nyaa?

Bale Lé We Gifezan 7:26

Yé le lé a bli ke mikunsan valé séli nya, ’té a bɛnu a miyerebale nya, maa a ye léé, a nyanale mini ga lɛ; mi lé éé sɔa Kazambale lɛ, ’bɛzan éé soo a lee, naa, éé wenyanékɛlɛzan kunwo.

Bale Lé We Gifezan 7:5

Dé i tɔné dɔ wedɔɔzan lé weplale lɛ, ’bɛ fila vɔ é mini tɔné dɔle ’tugyɛzannu lé lɛrɛvɔle lɛ.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 21:8

Bé fe munu ’ko lɛ léma: Gakelebale léma: Ka ye, an vole é yuɛma zi valé ga zi pla ka ’lɛ.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Lévinu 19:17

Té i bwe za pa i bli gi lo; é a lé i we pla i bɔluzan lɛ, naa, té i wenyané dɔ ibo nwiin alé we ma lo.

2 Piɛri 1:19

Amalé é a ko gi léé, balelayezannu dére a sɔbɛlawe nya é mini we bɛnu faa ta, yé é a é zima léé, ka tɔné dɔ a lɛ, naa, é a bélé kyɛbɔ lé ke bina gunuti va, a zo, azama. Amalé ’ka tɔné dɔ a lɛ fɔɔ yé tukinibléyi é bɔ yé bladi monéné é nwa ka bli gi.

Wegɔɔnle 2:5

Bɛwemalé, fɛana lé we ’ko san i lee, ’i gi bɔrɔ ’bɛ ma; ’i bli nɔla yé ’i kɛlɛwe vininnu kɛlɛ ma. Dé i ’ka i bli nɔla lɛ lo, maa dan da lɛ i va, yé maa dan ilé fintran si lɛ é dɔrana.