Wegɔnévɔlenu 6:17 - Kazambale lé Sebe Sauunu 1979

¹⁷ mi gini é yuɛ zuozannu koo, viéwo nɛnɛ koo, munu lé woo weanwiinlozan nyɛ nwɛɛn‐an koo,

Wegɔnévɔlenu 6:17 ပူးပေါင်းရင်းမြစ်များ

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

Lɛrɛvɔ Sɛbɛ 10:4

Mi nyané a fé boblɛn naané nya léé: É ’ka we lɛdɔa mi gi lo. Bale ’ka pelo. Bé ye, alé ’wuogibɔrɔlenu faa lé ke bɛ.

Lɛrɛvɔ Sɛbɛ 101:5

Mian é ’é bɔluzan tɔ sɛra kyeen gi, maa dan ’bɛzan sɛrɛ lɛ tata. Mian éé mi naginian é yuɛ zuo, ’té boblɛn a a bli gi, maa ’ka dan an ’wuo dɔ lɛ ’bɛzan lé we wuo lo.

Lɛrɛvɔ Sɛbɛ 131:1

Gɔ gié lɛrɛ do lé. David zé lé. Gakelebale, an bli ’ka é fanle boblɛn nya lo, An ’ka fɛ naginian an yuɛ zuo lo, An ’ka bɔn‐in bɔrɔan we blɛn lé an bɛ ’ka sɔa a nya lo, a ma lo,

Lɛrɛvɔ Sɛbɛ 18:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé we vɔnle yɛrama.

Lɛrɛvɔ Sɛbɛ 31:18

Gakelebale, dé maa i tɔ laa té yara an gyɛ lo. Yara ’é mi nyanénu gyɛ ma, ’Wo zun mi galenu nyanana ’wo lɔlu lɛ tanle nya ma.

Lɛrɛvɔ Sɛbɛ 5:6

I yuɛ ’ka tavomunu ta lo; Munu faa lé woo weple kɛla, wo za a i gi.

Lɛrɛvɔ Sɛbɛ 5:7

I zamaga dɔa viézannu nwiin; Munu lé woo mi nyɛ zanaan, ’té woo dabli kɛla, Gakelebale ’ka wo yé mi nya lo.

Wegɔnévɔlenu 1:11

Dé wa fe léé: ’I da ko va; kaa go zi dɔ munu lee ma, kaa wo nyɛ zana ma, kaa san vɔ weanwiinlozannu lee é pla ma,

Wegɔnévɔlenu 1:16

naa, woo vlan buruwo wenyané kɛlɛna zia, yé wo ta a kelekele mi nyɛ nwɛɛnna.

Wegɔnévɔlenu 12:22

Viéwolɔlunu a é naané Gakelebale yuɛ gi, naa, munu lé woo we kɛla webozen yɛrama, woo sɔa a lɛ.

Wegɔnévɔlenu 14:5

Wenayezan lé éé yara paan we ta, é ’ka vié woo lo, naa, vié wenayezan éé vié woo.

Wegɔnévɔlenu 16:5

Boblɛn bli faa a bélé bo zo Gakelebale yuɛ gi; weboen nya, wo ’ka dan vuru lɛ we lɛdɔle wo gi ma lo.

Wegɔnévɔlenu 17:7

Dé dére zin fele ’ka ’tugyɛzan nyɛɛan lo ’naan, ’té viédérenu éé lɛamami nyɛɛan?

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Wegɔnévɔlenu 26:28

Dablizan nɛnɛ éé munu tuoan yé éé wo za paan, yé zevɔ dabli nya nɛnɛ éé mi guru zanale a gi ma’lɛra.

Wegɔnévɔlenu 28:17

Mi lé mi bɛ nyɛwe ke a nwiin, éé fwian fɔɔ yé é go guru gi; té mi do kpen a diéra lo ma.

Wegɔnévɔlenu 30:13

Migɔnɔ do ana yé woo mi naginian ’wo yuɛ zuo, ’té wo yuɛ a é fuole.

Wegɔnévɔlenu 6:16

Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 3:16

Gakelebale léma: Siɔn lomu a boblɛnzannu nya, yé woo tawoo ’wo bɔrɔ séléblaané soile nya, ’té wo yuɛ la galaan; woo tawoo ’nyané nyané ’nyané, ’té wo gane ma zowoloné éé wé;

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Bélidɔwesɛbɛ Fiézan 19:10

’Bɛ zo lé, mi lé we ’ka a nwiin lo, a nyɛ ’ka dan zana lɛ é pla, tɛrɛ lé Gakelebale, kalé Bale a nɔ ka lɛ kalé tɔnɔfɛ nya, a ta lo, yé ka ’ka dan kɛlɛ lɛ migyɛzannu nya lo.

Bélidɔwesɛbɛ Fiézan 27:25

Mi lé é fɛ si munu lee, weanwiinlozan gyɛle we ma, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.