Wegɔnévɔlenu 6:16 - Kazambale lé Sebe Sauunu 1979

¹⁶ Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Wegɔnévɔlenu 6:16 ပူးပေါင်းရင်းမြစ်များ

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

JOB (Job) 5:19

É dan i si lɛ nyanéblele blɛn gi gɔnɔ suiɛdo, Gɔnɔ sɔrafié gi wenaané ’ka bɔa i ma lo.

Lɛrɛvɔ Sɛbɛ 11:5

Gakelebale éé mi tegele gi daan. Mi nyané valé mi lé glawe sɔ a lɛ, wo za a a gi.

Lɛrɛvɔ Sɛbɛ 5:7

I zamaga dɔa viézannu nwiin; Munu lé woo mi nyɛ zanaan, ’té woo dabli kɛla, Gakelebale ’ka wo yé mi nya lo.

Wegɔnévɔlenu 11:1

Dabli fɛdan kilo a é naané Gakelebale yuɛ gi, naa, fɛ dan kilo lé poa tegele éé sɔa a lɛ.

Wegɔnévɔlenu 11:20

Munu lé wo bli ’ka tegele lo, wa bélé bo zo Gakelebale yuɛ gi, naa, munu lé wo giébɛ ke wéiin, woo ɛ sɔa a lɛ.

Wegɔnévɔlenu 12:22

Viéwolɔlunu a é naané Gakelebale yuɛ gi, naa, munu lé woo we kɛla webozen yɛrama, woo sɔa a lɛ.

Wegɔnévɔlenu 17:15

Mi lé é wegyɛzan vo ébo ma, é valé mi lé éé mi tegele gya we nya, wo fiénu a bélé bo zo Gakelebale yuɛ gi.

Wegɔnévɔlenu 20:10

Kilo lé poa gɔnɔ fié valé fɛdangifɛ gɔnɔ fié, wo fiénu a é naané Gakelebale yuɛ gi.

Wegɔnévɔlenu 20:23

Té fɛ do vlɛ é kɛlɛ fié lo, ’bɛ a é naané Gakelebale yuɛ gi, yé dabli kilo lé poa ’ka fɛ zin nya lo.

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Wegɔnévɔlenu 3:32

Mi vɔnlenu a é naané Gakelebale yuɛ gi, naa, Bale a mi drɔlenu béé nya.

Wegɔnévɔlenu 30:18

We yaa ana, an ’ka wo gi maan ’lo, wa bozenwo ziɛn, an ’ka bɔa wo gi ’male lɛ lo;

Wegɔnévɔlenu 30:21

Fɛ yaa ana, tɛrɛ ma éé nyɔɔn‐an wo lee; fɛ ziɛn ana tɛrɛ ’ka bɔa dɔle lɛ wolé we wuo lo:

Wegɔnévɔlenu 30:24

Wi ziɛn a tɛrɛ la, wa kiéné, naa duowo wo gi kini é baba.

Wegɔnévɔlenu 30:29

Fɛ yaa ana yé wa é nɔnɔmi, fɛ ziɛn boen, wolé tawobɛ a é nɔnɔmi;

Wegɔnévɔlenu 6:15

É ziin, a sɛrɛle é dan bɔ lɛ fiaa; wo dan a ’wii lɛ bléyi do nya tata yé é ’ka bɔa nwale lɛ lo.

Wegɔnévɔlenu 6:17

mi gini é yuɛ zuozannu koo, viéwo nɛnɛ koo, munu lé woo weanwiinlozan nyɛ nwɛɛn‐an koo,

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:3

Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Amɔs 1:6

Gakelebale léma: Gaza munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo mi ’léé kiɛre kɛlɛ luu nya yé wo wo pa Édom munu lee, azama.

Amɔs 1:9

Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Amɔs 2:1

Gakelebale léma: Moab munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é Édom munu nwiinzan blɛn wɔlɛnu kyɛ ble yé é wo kɛlɛ tɔrɛ nya, azama.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Amɔs 2:6

Gakelebale léma: Izraɛlnu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo mi tegele dan gɔɔli va, yé wo nyanégyɛzan dan sawala ba fié va.

Zakari 8:17

té ka vazan do kpen é gi bɔrɔ wenaané nya é bɔluzan ma lo, yé té bale kunle vié nya é sɔ ka lɛ lo. Wenu lé wo ’ka sɔ lɛ an lɛ lo, wo lé ke bɛ. A zo lé Gakelebale a fe.

Bélidɔwesɛbɛ Fiézan 23:18

Dé i a bale kunle lɛ sɔɔna, dé bɔrɔdɛ ma gɔɔli léé, dé blen ma gɔɔli léé, ’bɛ gi lé bɔrɔdɛ gɔné, té i da ’bɛ nya Gakelebale, kalé Bale lé kɔn gi lo. Wo fiénu a bélé bo zo Gakelebale, kalé Bale yuɛ gi.

Bélidɔwesɛbɛ Fiézan 24:4

té a zana vininzan a si é na nya é ziin lo; é ’ka vo lɛ le tegele nya é dɛrɛ lo; we ’ko a bélé bo zo Gakelebale yuɛ gi; tɛrɛ lé Gakelebale, kalé Bale a nɔ ka lɛ tɔnɔfɛ nya, té ka wenyané kɛlɛ a ta lo.

Bélidɔwesɛbɛ Fiézan 25:16

Dé mian éé we’konu kɛla, dé mian éé weple kɛla, é a bélé bo zo Gakelebale kalé Bale yuɛ gi.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.