Wegɔnévɔlenu 6:12 - Kazambale lé Sebe Sauunu 1979

¹² Mi vɔnle, weplekɛlɛzan, éé tawoo é ’léé lé vié nya;

Wegɔnévɔlenu 6:12 ပူးပေါင်းရင်းမြစ်များ

Lɛrɛvɔ Sɛbɛ 10:3

Naa, mi nyanénu woo ’wobo tɔ bɔa wolé blibɔmawe nya, Yé kyeenwozannu lé woo mi gya, woo Gakelebale sɔnɔan, ’té woo nyé yélié a ma.

Lɛrɛvɔ Sɛbɛ 10:7

A ’léé a é fanle balepalenu koo, dabli kɛlɛle koo, mitablelenu koo, wo nya, Miblifliwe valé weple a a nɛnɛ la.

Lɛrɛvɔ Sɛbɛ 101:3

Maa ’ka dan we lɛrɛlɛrɛ do kpen vo lɛ an yuɛ gi lo. Diérazannu lé tawobɛ za a an gi; É ’ka dan vɔ lɛ an lee lo.

Lɛrɛvɔ Sɛbɛ 36:3

É ’ébo tɔrɔ paan Élé weple lɛ sɔɔle we ma, ’bɛ valé alé mi zapale lɛ sɔɔle we ma.

Lɛrɛvɔ Sɛbɛ 59:7

Woo dan ’wo pa gi nyanadi faa do do ma, woo siaan bélé blénnu zo, ’Té woo giéan fla zi.

Wegɔnévɔlenu 10:32

Mi tegelenu éé we zinnu fé ’wo lɔlu nya, yé mi nyanénu ’léé a é nyané.

Wegɔnévɔlenu 11:6

Mi drɔlenu lé we tegele éé wo sié we gi, naa, woo mi nyanénu kunwo wolé mi ’namawe kɛlɛle wobo yuɛ va nya.

Wegɔnévɔlenu 16:27

Mi vɔnle éé dan wenaané nya; a lɔlu a bélé kyɛ lé éé blé é baba, a zo.

Wegɔnévɔlenu 16:30

Mi lé éé yuɛ lɛ taan ébo nɔle gi bɔrɔ naanénu lɛ we gi, é valé mi lé éé suiɛ dɔraan é lɔlu ta, é wenaané kɛlɛ é kwakwa.

Wegɔnévɔlenu 17:4

Mi naané éé tɔné dɔa boazan dére lɛ, yé viéwozan éé migyɛzan baan é tɔné nya.

Wegɔnévɔlenu 2:12

Wo dan i si lɛ tawobɛ naané valé ’léé nyané vɔzan zuo.

Wegɔnévɔlenu 3:32

Mi vɔnlenu a é naané Gakelebale yuɛ gi, naa, Bale a mi drɔlenu béé nya.

Wegɔnévɔlenu 4:24

’I viéwe si i ’léé, ’i dablidérenu si i ’léé.

Wegɔnévɔlenu 6:14

we vɔnle a a bli gi, é ’wuo gi bɔrɔan wenaané ma bléyi faa va. Éé zɛn vɔa.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Jérémi 24:2

Bɔrɔyiliporo lé ke kyɛɛné do gi, wa é zima é baba, bélé yiliporo vininzannu zo, yé kyɛɛné koɛzan zé a é naané é baba; mi ’ka bɔa wo blele lɛ lo, wo naané lé we ma.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

1 Timoté 5:13

Yé é ziin, dé wa é pla tɔɔn, ’té wo kun gole ma kɔnnu gi nuu. ’Bɛ ta loru, woo we faa ’wuo kunwo kwɛkwɛ ’té wa sɔɔlaan, ’té woo goo vɔle nya mi bɛnu lé we gi, yé we lé é ’ka lé wa fe lo, ’té wa fé.

SEBE LÉ JAK A GYE (Épitre de Jacques) 1:21

Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

SEBE LÉ JAK A GYE (Épitre de Jacques) 3:6

Nɛnɛ a kyɛ nya é ziin yé alé weple a tɛrɛ zo. Nɛnɛ a kaa kɔlɛvafɛnu va, ’té éé kɔlɛ faa tiri dɔa, yé ’té éé mi lé tɛrɛla faa kyɛ dɔa, yé ’té jéɛna kyɛ plɛplɛ éé vɔa yeebozen ma.

1 Samuɛl 17:28

A bwe vininzan Éliab, é David lé wefele munu ’konu lɛ ’ma, yé a bli fli David ma. Yé é léé: Mɛmalé i da, yé ’blanu lé wo ’ka di lo bɛ, i wo vo bwi gi de ɛ vaa? Maa ilé boblɛn valé i bli nyané dɔɔ. Guli naginile we gi lé i da.