Wegɔnévɔlenu 5:21 - Kazambale lé Sebe Sauunu 1979

²¹ Naa, mi lé tawobɛnu a Gakelebale lé éé mi lé zinu naginian, a yuɛ va.

Wegɔnévɔlenu 5:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

JOB (Job) 14:16

Naa, kyɔ i an gane panu nɔnɔan, ’Té i yuɛ a anlé wenyané ta;

JOB (Job) 24:23

Éé wo nyanaan duaa, ’té wo bli a we lɛ, Yifaama a yuɛ a wolé zi ta.

JOB (Job) 31:4

Kazambale ’ka an giégane ye lɛ loo? É ’ka an gane panu nɔnɔ lɛ loo?

JOB (Job) 34:21

Naa, Kazambale éé mi faa lé tawobɛ yé, A yuɛ a mi faa do do giégane va.

Lɛrɛvɔ Sɛbɛ 11:4

Gakelebale a é bankɔn sauun gi, Gakelebale lé webleblin a la gi; A yuɛ éé blaminu naginian, ’Té a yuɛlakɔné éé wo gi daan.

Lɛrɛvɔ Sɛbɛ 119:168

Maa i déretawenu valé ilé wepladérenu kɛla, Naa, i anlé tawobɛ faa dɔɔ.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Wegɔnévɔlenu 15:3

Gakelebale yuɛ a fɛfaana, mi nyané valé mi zinnu naginile we ma.

Wegɔnévɔlenu 4:26

’I gi bɔrɔ zi lé i ke giéna a ta, a ma ma, yé ilé tawobɛ faa ’é kɛlɛ tegele ma.

Wegɔnévɔlenu 5:6

É ’ka é gi bɔrɔan mibélizi ma lo. Alé zinu a saanzinu nya yé é ’ka é gona dɔɔa lo.

Jérémi 16:17

Naa, an yuɛnu a wolé tawozinu faa ta, wo yɔɔna do kpen ’ka an lee lo, yé wolé weplenu ’ka é yɔɔle an lee lo.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.