Wegɔnévɔlenu 4:17 - Kazambale lé Sebe Sauunu 1979

¹⁷ naa, wenyané ɛ ke wo bleburu nya; glawe ɛ ke wo mininwɛ nya.

Wegɔnévɔlenu 4:17 ပူးပေါင်းရင်းမြစ်များ

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

Wegɔnévɔlenu 13:2

Mi ’léé dére ma lé mi éé fɛ zin blé, naa, liwozannu bli éé bɔa glawe saa ɛ ma.

Wegɔnévɔlenu 20:17

Fɛblele lé mi a yé dabli nya, é a néné a ’léé, yé é voéla éé nɔlaan a ’léé sɛwɔlɛ nya.

Wegɔnévɔlenu 9:17

’Yi lé wa kyeenwo, é a néné, yé fɛblele lé wa sia kyeen nya, a we a.

Ézai 5:18

Munu lé woo weple ganaan ’wo zuo bélé diri lé, ’té woo wenyané ganaan ’wo zuo bélé wisoo lé éé goro ganaan é zuo, a zo, wenaané ’é kɛlɛ wo lɛ ma;

Ézai 5:20

Munu lé woo wenaané laan wezin, yé woo wezin laan wenaané, ’té woo gunutinu nɔlaan san nya, yé woo san nɔlaan gunuti nya, ’té woo fɛ nyanale nɔlaan fɛ néné nya yé woo fɛ néné nɔlaan fɛ nyanale nya, wenaané ’é kɛlɛ wo lɛ ma.

Jérémi 9:4

É a lé mi faa do do ébo tabin é béé lee, Yé té wo bli é vo wo bwe do kpen lɛ lo. Naa, bwenu faa a dablikɛlɛzi ginina, Yé mi béénu faa a mi tɔ sɛrɛna.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.