Wegɔnévɔlenu 31:9 - Kazambale lé Sebe Sauunu 1979

⁹ ’I ’léé fuo, ’i wolé we ble tegele ma, ’i dɔ nyanéblemunu valé nyanégyɛmunu zuo ma.

Wegɔnévɔlenu 31:9 ပူးပေါင်းရင်းမြစ်များ

2 Samuɛl 8:15

David kɛlɛ Izraɛl nwiinzan nya, ’té éé we zin valé we tegele kɛla élé munu faa lɛ.

JOB (Job) 29:12

Nyanégyɛzan lé é ke bɔévazan ginian, ’Bɛ valé bu valé tigalazan lé a pazan ’ka lo, an bɔa wo va.

Lɛrɛvɔ Sɛbɛ 82:3

’Ka we tegele kɛlɛ mi tɔɔtɔɔ valé ti valé bu galamunu lɛ ma, ’Ka wenaanébɔmazannu valé nyanégyɛmunu lé we ble é boen ma.

Wegɔnévɔlenu 16:12

Minwiinzannu ’é kana wenaané kɛlɛle lee ma, naa, we tegele nya lé wolé plale mi nwiin éé dɔa gligli.

Wegɔnévɔlenu 20:8

Minwiinzan blɛn lé é ke wéiin élé plale munu nwiin gi, éé wenyané faa yi gaan élé mi naginile nya.

Wegɔnévɔlenu 29:7

Mi tegele nyanégyɛzannu gi we dɔɔ, naa, mi naané ’ka ’wuoatawe gi maan lo.

Ézai 1:17

’Ka wezin kɛlɛle draan, ’ka kwa kuli léé, kalé we ’é kɛlɛ tegele. Munu lé wa kle pana wo ta, ’ka wo takuun; ’ka we tegele kɛlɛ ti valé bu galazannu lɛ, ’ka dɔ zanagalalomu zuo.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 5:28

Woo buaan, wo kɔlɛ éé bié wo ta planplan; wolé wenaané kɛlɛle éé giéan é glɛ la; wo ’ka dɔa tigalazannu valé bugalazannu zuo lo, yé ’bɛ faa nyian éé woo wo ma; wo ’ka we tegele kɛla nyanégyɛzannu lɛ lo.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Lévinu 19:15

Dé ka a we blena, té ka weple kɛlɛ lo; té ka dɔ nyanégyɛzan zuo nyané lé a gyɛle we ma lo, té ka mi blɛn lé we kɛlɛ é blɛn ma lo, naa, ’ka bɔluzannu lé we ble we tegele yɛrama.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LE JAN A GYE (Évangile selon Jean) 7:24

’Ka we va sina ye faa yé ’ka we gi bɔi ’é bɔina.

Bélidɔwesɛbɛ Fiézan 1:16

’Bɛ yi la maa lé kalé weblemunu lɛ léé, ’wo tɔné dɔ ’wo bwenu lɛ; dé we bɔ mi do valé é bwe mélénaoo, dé é bɔ mi do valé bɛn do mélénaoo, ’wa yuɛ gi bo tegele.

Ébrunu 1:9

Bale, we tegele sɔ i lɛ, yé weple za a i gi, Amalé ilé Bale gi nanale lé nyɔnɔ zén i nwiin Yé é gié i yɛramamunu zé ta.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

1 Samuɛl 19:4

Jonatan David ma wezin fe é ti Saul lɛ yé é léé: David ’ka wenyané kɛlɛ lɛ i lɛ lo, amalé té i wenyané kɛlɛ a lɛ lo. Éé we kɛla ilé wezin yele ma;

1 Samuɛl 20:32

Jonatan a zi pa é ti Saul lɛ léé: Mɛmalé wa gyaa? Mɛ lé é a kɛlɛɛ?