Wegɔnévɔlenu 30:4 - Kazambale lé Sebe Sauunu 1979

⁴ De ɛ go la gi yé de ɛ zuun? De ɛ fu kun é lee? De ɛ ’yinu yere élé sɔ gii? De ɛ tɛrɛ glɛ ta bɔraa? A tɔ lé nɔɔ? yé wa be tɔ laama nɔɔ? Bé fe an lɛ do, ’té dé bé dɔɔ.

Wegɔnévɔlenu 30:4 ပူးပေါင်းရင်းမြစ်များ

Wepélisiananu 32:29

Jakɔb léé: Wo i tɔ laama nɔɔ? É léé: Mɛmalé i an tɔ laa an lee? yé é a drɔɔ vo ’bɛna.

JOB (Job) 11:7

I bɔa Kazambale lé we wɔlɛ ma yele lɛ Yé i Plɛplɛfaazan dɔɔle ’wuo plaa?

JOB (Job) 11:8

A dɔɔle baa mini lai lɛ, i dan kɛlɛ lɛ kaa? Yé a guru mini gamunu nyanana ta, mɛ lé i dan a dɔɔ lɛ ’bɛ gii?

JOB (Job) 26:8

É ’yinu diri dɔa latinu gi, Dé wo bɛn dɔoo, wo ’ka fiama lo.

Lɛrɛvɔ Sɛbɛ 135:7

Yee ɛ lafunu nwaan tɛrɛ glɛ sina, Éé zagelenu baan yé éé lɛɛ dan, Éé fu sié élé fɛwezannu va.

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Lɛrɛvɔ Sɛbɛ 24:2

Naa, é a gane vɔ wɛyi va, Yé é a dɔ gligli yuunu va.

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Fwile 15:10

I fu fɛ ilé flinle nya Wɛyi bua wo ta; Wo go ’yi wɔlɛ ma Bélé lɛɛ zo.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 53:8

Kleblele valé we lɛdɔle a gi a si tɛrɛ la, Munu lé wo tin wo nya ékeva, Wo va mi kyɛn ɛ bli vo a lɛ léé, Wa si mi yuɛmale lé tɛrɛ la Yé wa gyɛ anlé munu lé wenyané maa?

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

Rom munu 10:6

Naa, kɛlɛlɛ tegele lé éé sié blipale va, azé wefele a ’ko zo: Té bé fe i bli gi léé: De ɛ dan go lɛ la gii? lo; ’bɛ gi léé, de ɛ go Krist si lɛ ko lɛ la gii?

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

Bélidɔwesɛbɛ Fiézan 30:12

É ’ka la gi, yé ka fé léé, de ɛ dan go lɛ la gi yé é a nagini ko lɛ, yé é da a fe ko lɛ yé ko a ta tawoo? lo.

Wegɔɔnle 19:12

A yuɛnu a bélé kyɛnɛnɛ zo; tɔkoro kiɛre a a ’wuo ma; yé wa tɔ gyɛ, tɔ lé dé é ’ka yeebozen nya lo, mi do kpen ’ka a dɔɔa lo, a nya.

Weblezannu 13:18

Gakelebale lé lanje a zi pa léé: Mɛmalé i an tɔ ma laa? É a tɔ tɔbɔle nya.