Wegɔnévɔlenu 30:14 - Kazambale lé Sebe Sauunu 1979

¹⁴ Migɔnɔ do ana yé wo suiɛ a gwɔun nya yé wo puowɔlɛ a sɛnnénu nya tɛrɛ la nyanéblemunu minile we gi, munu va nyanégyɛzannu minile we gi.

Wegɔnévɔlenu 30:14 ပူးပေါင်းရင်းမြစ်များ

Lɛrɛvɔ Sɛbɛ 57:4

É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

Lɛrɛvɔ Sɛbɛ 3:7

Mi wuru é wuru di lé woo dɔa an ma yé woo an zi lɛ sɔɔan, An ’ka kanaan wo lee lo.

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

JOB (Job) 29:17

Maa mi ple puowɔlɛ yélié, Yé mi lé é a a va léé, é a ble, maa ’bɛ sié a ’léé.

Wegɔɔnle 9:8

Wo nwun a bélé lomu nwun zo, yé wo suiɛnu a bélé golizra suiɛ zo.

Amɔs 8:4

’Kaa lé ka tɔnanénu tablé, ’té ka tɛrɛ ’ko la wenaané bɔmazannu zanaan a gi, ’ka tɔné dɔ we ’ko lɛ.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Lɛrɛvɔ Sɛbɛ 58:6

É ’ka misianazannu dére maan lo, Ménéyokɛlɛzan lé a gi kini é baba, é ’ka a dére maan lo.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Abaku 3:14

I ko nyanézannu nwiinzannu ’wuo fɔn‐o ilé sawɔlɛnu nya, Wo lé, woo vlanburuwo bélé fu plɛplɛ zo ko fwilale we ma, ’Té woo siaan ginanale nya Bélé fɛan zo lé wa wenaanébɔmazan wi blena tɛkɛ ’wo yɔɔna, a zo, woo lé.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 2:7

É sɔ wo lɛ léé, ’wo nyanaizénlazan ye tɛrɛ nya é nwiin, yé wo wenaané bɔmazannu lé se si wo lee. Gɔnézan valé é be éé goo le do kpen va, an tɔ ’lɛzan sɛrɛle we ma.

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Wegɔnévɔlenu 28:3

Nyanégyɛzan lé éé nyané paan tɔnanénu ta, é a bélé lɛɛ plɛplɛ lé éé fɛnu sɛra, a zo.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Wegɔnévɔlenu 12:18

Mi ke ana, wo dére éé mi tuoan bélé gwɔun zo; naa, wedɔɔmunu nɛnɛ éé mi bélié.

Lɛrɛvɔ Sɛbɛ 52:2

bléyian va lé Édom mi Doɛg go we zuo fe lɛ Saul lɛ, léé, David go Asimélɛk va.

Lɛrɛvɔ Sɛbɛ 124:6

’Wo Gakelebale drɔɔ vo ma. É ’ka ko nɔ lɛ munu lɛ wo blefɛ nya lo.

Wegɔnévɔlenu 30:15

Miin lu a fié yé wo léé: Bé nɔ! Bé nɔ! Fɛ yaa ana yé lɔrɔ ’ka sié wo ma lo, fɛ ziɛn boen ’ka fé léé: É sɔ, monomono lo:

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

JOB (Job) 41:14

A nɛnu éé kuaan ékema Woo kuaan a ma, ’té wo ’ka nyɔɔn‐an lo.

Lɛrɛvɔ Sɛbɛ 57:5

An boen a golizranu méléna; Maa a é yiale munu lé kyɛnɛnɛ éé bɔraan wo ’léé, wo méléna. Munu lé wo suiɛnu ke din valé sawɔlɛnu nya, wo méléna, Yé wo nɛnɛ a gwɔun ’lɛzan nya.

Ézai 3:15

De ɛ se kɛlɛ ka lɛ, ka anlé munu zɔn ka gane nya, ’té ka nyanégyɛmunu yuɛi kyɛ dɔaa? Mizan, lai sunyanu lé Gakelebale ɛ fe.

Ézékiɛl 22:6

Bé ye, bii fla ’ko méléna lé Izraɛl munu minisinu faa mi nyɛ zana wolé plɛplɛ nya.

Ézékiɛl 34:3

Ka ’bla nyɔnɔzannu ble, ka ’blakyɛɛsɔ zén ka ta, ’bla lé a nyɔnɔ ke, ka a gyɛ, naa, ka ’ka ’blanu pa lɛ lilo.