Wegɔnévɔlenu 30:12 - Kazambale lé Sebe Sauunu 1979

¹² Mi gɔnɔ do ana yé é dɔ ’wo gi léé, ’wo bli gi a é bɔle, ’té wo ’ka ’wo tiri sié lo.

Wegɔnévɔlenu 30:12 ပူးပေါင်းရင်းမြစ်များ

JOB (Job) 33:9

’É gi a é bɔle, wenyané do kpen ’ka ’é gi lo, ’É a wéiin, weple do kpen ’ka ’é gi lo.

Lɛrɛvɔ Sɛbɛ 36:2

Bélidɔwe sɛrɛle éé we fé mi nyané bli wɔlɛ ma; Kanale Bale lee ’ka wo bli gi lo.

Lɛrɛvɔ Sɛbɛ 51:7

An bu an bɔn si wenyanékɛlɛzan nya, Bé ye, an bɔra weple nya an lee.

Wegɔnévɔlenu 16:2

Mi lé tawobɛ faa a wéiin ébo yuɛ gi, naa, mi lé éé mi bligiwenu daan ékema, Gakelebale lé.

Wegɔnévɔlenu 21:2

Mi lé tawobɛ faa a é drɔle ébo yuɛ gi, naa, mi lé éé mi bligiwenu daan ékema, Gakelebale lé.

Ézai 1:16

’Ka zuru, ’ka kɛlɛ tegele; ’ka si an yuɛ gi ka kɛlɛwe naanénu nya; ’ka daan wenaané kɛlɛle ma.

Ézai 65:5

Yé wo léé: ’I si ko ma, té i bié ko ma lo, ko a tegele. ’Bɛ zo wenu bɛ, woo ’naan an yuɛ ma bélé kyɛgoi zo, bélé kyɛ lé éé blé yifaama, a zo.

Jérémi 2:35

Naa, duowo, ka léé: Iin, ko a weanwiinlozannu nya; a bli ’ka dan fli lɛ ko ma lo. Ka ye, an dan we ble lɛ ka va; ka léé, ’wo ’ka wenyané kɛlɛ lɛ pelo, azama.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

OZÉ (Osée) 12:9

Éfraim léé: Weboen lé, maa a fua nya, yé an fuafɛ ye di; naa, an panyanama saa ma lé maa a ye. Wo ’ka dan weple do kpen ye lɛ an va lo; wenyané blɛn do kpen ’ka an va lo.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

WENÉNÉ LÉ LUK A GYE (Évangile selon Luc) 18:11

Yee lé ke Farizimi nya, é dɔ loru, yé é bazoro ébo lɛ ’ko zo, léé: Oo Bale, maa i bɔ vɔa léé, maa ’ka bélé mi pɔnénu lé wo ke mitablezannu koo, mi plenu koo, leginizannu koo, é ziin vagɔɔlisizan ’ko koo, wo zo lo;

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

Tite 3:5

É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.

Weblezannu 17:13

Yé Mika léé: Lévi mi ’ko kɛlɛ anlé balebanzan nya, amalé sin maa gi dɔɔ léé, Gakelebale é dan we zin kɛlɛ lɛ an lɛ.

Weblezannu 17:5

Bale lé kɔn do a Mika ’ko lee. É éfɔdi valé térafimnu kɛlɛ yé é be do pa é yɛrama yé ’bɛ kɛlɛ a lɛ balebanzan nya.