Wegɔnévɔlenu 3:9 - Kazambale lé Sebe Sauunu 1979

⁹ ’I Gakelebale bɔ i leefɛnu valé ilé féifɛ vininnu faa nya,

Wegɔnévɔlenu 3:9 ပူးပေါင်းရင်းမြစ်များ

Wepélisiananu 28:22

gɔlɛ ’ko lé maa a dɔ weseledɔmigifɛ nya ’ko, é dan kɛlɛ lɛ Kazambale lé kɔn nya; yé fɛnu faa lé i dan wo nɔ lɛ an lɛ, maa dan wo vuzan nɔ lɛ i lɛ.

2 Minwiinmunu lé Wezuofe Sɛbɛ 31:10

Yé Balebanmunu ’lɛzan Sadɔk gɔnɔlazan Azaria a zi pa léé: É sia bléyian va lé wo da blɛnu nya Gakelebale lé kɔn gi, ko fɛ blé, yé ko kaan, yé fɛ vo kiɛre, naa, Gakelebale élé munu drɔɔ vo, azama, yé fɛ kiɛre lé é vo ana, yee lo.

2 Minwiinmunu lé Wezuofe Sɛbɛ 31:21

We faa lé é ke a kɛlɛna, dé é a Bale lé kɔn va nyanama nyaoo, dé é a bélidɔwe valé a sɔnnénu zé nyaoo, é a élé Bale lé blibɔmawe naginina a gi. É a kɛlɛna é bli faa nya, yé we faa lé é a kɛlɛ, a nyian wo a ma tegele.

Lɛrɛvɔ Sɛbɛ 144:13

Kolé boonu a é fanle Fɛblele gɔnɔ faa nya yé é bɔra a ’léé. Kolé ’blanu éé né yaan baa wuru é wuru di nya Kolé féinu ta;

Fwile 22:29

Té i mɔn ilé féifɛ vininnu valé ilé dɔrɔféifɛ vininnu nɔna an lɛ lo. Ilé né vinin lé ke gɔné nya, i dan a nɔ lɛ an lɛ.

Fwile 23:16

I dan féifɛ vinin lé fɛti kɛlɛ lɛ, nyanama lé bé pa ilé féi, ana fɛ vinin nya; lɛɛ nyaa bléyi va, dé i nyaa ilé nyanama nya, i dan fɛ sile féi lé fɛti kɛlɛ lɛ.

Fwile 23:19

I lé féifɛ vinin lé ke é zima, i dan da lɛ a nya Gakelebale ilé Bale lé kɔn gi. Té i boliné dɔne é bu nyɔyi va lo.

Fwile 34:26

Ilé féifɛ vinin lé ke é zima, i dan da lɛ a nya Gakelebale, ilé Bale lé kɔn gi. Té i boliné dɔne é bu nyɔyi va lo.

Wegɔnévɔlenu 11:25

Wezinkɛlɛmunu é dan kan lɛ, yé mi lé éé ’yi zén‐é fɛ ta, wo dan ’yi zén lɛ yeebozen ta.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Ézai 43:23

I ’ka ilé ’blanu kyɛ ble lɛ an lɛ lo, I ’ka an tɔ bɔ lɛ saraka bole nya lo; Maa ’ka i ma kyɛ dɔ lɛ léé, ’i blɛ kɛlɛ an lɛ lo, Yé maa ’ka i wɔlɛi nyaa lɛ i ma léé, ’i lasikɔrɔ kyɛ ble an lɛ lo.

Lévinu 19:25

A lɛɛ soruzan nya, ka dan wo ble lɛ, yé ka dan vo lɛ wo sona. Maa a Gakelebale, kalé Bale nya.

Mi Nɔnɔle 15:20

’Ka buru do kɛlɛ kalé buruyɔɔ vininzan nya yé ’ka a nwa an ’lɛ; ’ka a nɔ bélé fɛan zo lé ka ’sa vininzan no, a zo.

Matio 25:17

A zo duo lé, mi lé é talan fié nɔ ’bɛ lɛ, ’bɛzé pa a ma talan fié é ziin.

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.