Wegɔnévɔlenu 3:6 - Kazambale lé Sebe Sauunu 1979

⁶ ’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Wegɔnévɔlenu 3:6 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Ezidras 7:27

Gakelebale, ko tranu lé Bale drɔɔ ’é vo ma. Yee ɛ we fe minwiinzan blɛn bli gi léé, Gakelebale lé kɔn lé ke Jérusalɛm, ’é a tɔ kɛlɛ blɛn.

Néémi 1:11

Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

Néémi 2:4

Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,

Néémi 7:5

Anlé Bale a gɔɔn an lɛ léé, mi blɛnnu koo, minwiinzannu koo, munu koo, maa wo zén ékeva, wo nɔnɔle we ma. Munu lé wo da wo pa gi é vinin, maa wo lelenu tɔgyɛlasɛbɛ ye, yé we lé wa gyɛ a ta, maa a ye. Yee lé ke ’ko:

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Wegɔnévɔlenu 11:5

Mi lé a dɔbɛ ke wéiin, alé we tegele alé zi ta bɔa ékema, naa, mi nyané éé diaan élé wenyané kɛlɛle ma.

Wegɔnévɔlenu 16:3

’I kɛlɛwenu bɛ pa Gakelebale lee yé i ’wuogibɔrɔlenu lɛ é dan sɔɔ lɛ.

Wegɔnévɔlenu 16:9

Mi éé gi bɔrɔan é giébɛ ma, naa, Gakelebale éé kunwo a bɛ ma yé éé zi gɔɔn‐an a lɛ.

Wegɔnévɔlenu 23:17

Té i wenyanékɛlɛzannu ma maawo lo, naa, ’i kana Gakelebale lee yifaama;

Ézai 26:7

We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 45:13

Maa ɛ Sirus nwa ka sole we lee we ma, Yé maa dan alé zinu faa ta bɔ lɛ ékema; É dan anlé fla pa lɛ é ziin, yé anlé munu lé wo ke luu gi, é dan wo vo lɛ woboma, ’Té maa ’ka wo tabofɛ valé wo ma blɛ kɛlɛ lɛ lo. Lai sunyanu lé Gakelebale ɛ fe.

Ézai 48:17

I tabozan Gakelebale, Izraɛl lé Mi Sauun léma: Maa, Gakelebale, ilé Bale, maa we paan i gi ilé zin yele we ma, Zi lé é a lé i tawo a ta, maa goo i nya ’bɛna.

Jérémi 10:23

Oo Gakelebale maa a gi dɔɔ léé, A se ’ka blami lɛ léé, é ’ébo lé zi si a va lo, A se ’ka tawozan lɛ léé, é ’ébo lé tawogane drɔ lo.

Jérémi 42:3

Yé zi lé é a lé ko tawo a ta, Gakelebale ilé Bale ’é a gɔɔn ko lɛ, yé wean é a lé ko a kɛlɛ, ’é a gɔɔn ko lɛ.

Mi Nɔnɔle 9:20

Dé lati mɔn yi sɛ nya Bale lé sɔkɔn ta, Izraɛlnu lé sɔkɔn é vo é dɔle Gakelebale dére ta, yé wo ta soo Gakelebale dére ta.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

2 Korɛnt Munu 8:16

Maa Kazambale bɔ vɔ léé, we lé ke an gi ka vazia, Kazambale yee we duo dɔ Tite gi é ziin.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

Kolɔs munu 3:23

We faa lé ka kɛla, ’ka kɛlɛ ka bli faa nya, bélé fɛan zo lé ka a kɛlɛna Mizan lɛ, yé ka ’ka a kɛlɛna munu lɛ lo, a zo;

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

1 Samuɛl 30:8

Yé David we laa Gakelebale lee léé: ’An go sunyanu palu ’ko zuoo? Maa dan a dɔ lɛ wo maa? Gakelebale lé a lɛ léé: ’I go wo zuo, naa, i dan a dɔ lɛ wo ma, yé i dan munu si lɛ wo lee.