Wegɔnévɔlenu 3:24 - Kazambale lé Sebe Sauunu 1979

²⁴ Dé i yia, kana ’ka dan vɔ lɛ i gi lo; dé i a yiɛna, i dan yi gyɛ lɛ drɔɔ.

Wegɔnévɔlenu 3:24 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

JOB (Job) 11:19

I dan yia lɛ yé we do kpen ’ka dan i bli kyɛ dɔ lɛ lo, Yé mi kiɛre é dan i ma kwa kuli lɛ.

Lɛrɛvɔ Sɛbɛ 112:8

Nyanabli a a gi, é ’ka kanaan monomono lo, Fɔɔ yé é ’élé blibɔmawe ye bɔna é nyanézannu ma.

Lɛrɛvɔ Sɛbɛ 127:2

Ka nwale é dere koo, yigyɛ bléyi giéla ka ta koo, Kalé fɛ blele bli kyɛdɔle nya koo, wo tɔnɔ ’ka lo; Naa, Bale éé sɔlɛzannu zé no kiɛre bléyian va lé ’bɛnu a yigyɛna, ’bɛ bléyi va.

Lɛrɛvɔ Sɛbɛ 3:5

An siaan an dére nya Gakelebale lɛ, Yé éé a zi paan an lɛ élé gɔ blɛn sauun nwiin. Ka ye do.

Lɛrɛvɔ Sɛbɛ 3:6

An yiaan, ’té maa yi gya; An vuoan, naa, Gakelebale a é kunle an ma gligli.

Lɛrɛvɔ Sɛbɛ 4:8

I an gi nana yé é mini munu lé Wolé ’sa valé wolé dɔrɔ dɛrɛ kɛlɛ kiɛre, wozé ta.

Lɛrɛvɔ Sɛbɛ 91:5

Dé gunu dɔra, kana ’ka dan vɔ lɛ i gi lo, Sawɔlɛ lé wa vulian é yiéyi, i ’ka dan kana lɛ a lee lo,

Wegɔnévɔlenu 1:33

naa, mian éé tɔné dɔa an lɛ, é dan nyana lɛ é ta béli dɔle nya, é dan vo lɛ drɔɔ, ’té wenaané do kpen kana ’ka a gi lo.

Wegɔnévɔlenu 19:23

Kanale Gakelebale lee éé goo mi nya bélina; éé lɔrɔ sié mi ma yé éé yi gya drɔɔ, ’té wenaané do kpen ’ka kɛla a lɛ lo.

Wegɔnévɔlenu 6:22

Dé i a tawona, wo dan zi gɔɔn lɛ i lɛ, dé i a yigyɛna, wo dan yuɛ pa lɛ i va, yé dé i vuo wo dan we fe lɛ i lɛ.

Bale Lé We Gifezan 5:12

Maa we tɔntɔn blɛn do ye tɛrɛ la: fuafɛnu lé wozan éé wo tadɔa, wenaané kɛlɛle ébo lɛ we gi, yee lé.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Jérémi 31:26

’Bɛna tɔɔn, a vuo, yé an yuɛ fuo; anlé yigyɛle ’ko nana an lee.

Ézékiɛl 34:15

Maa ɛ dan anlé ’blanu pa lɛ, yé maa ɛ dan flinle nɔ lɛ wo lɛ. Yee lé Mizan Gakelebale a fe.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 34:27

Féiyilinu poro é dan baa lɛ, yé tɛrɛ é dan fɛ dɔ lɛ. Wo dan nyana lɛ wobo ma duaa ’wolé tɛrɛ la, yé dé ma wo bɔrɔ ma luubalenu kini, yé maa wo si munu lé ’bɛnu ke é plale wo nwiin, ’bɛnu lee, ’té wo dan a gi dɔɔ lɛ léé, maa ɛ ke Gakelebale nya.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Kelewenu 12:6

Yi lé Érɔd é dan alé we kɛlɛ lɛ, ’bɛ tasi nya é béli, Piɛri a yi gyɛna sunya fié méléna, ’té gɔgɔbale fié a é vɔle a ma, ’té kɔn tabin sunyanu a é dɔle bokɔn ’léé, yuɛ pana bokɔn ta.