Wegɔnévɔlenu 3:2 - Kazambale lé Sebe Sauunu 1979

² naa, wo dan i yinu valé ilé tɛrɛla lɛɛnu taa pa lɛ, yé wo dan i vole drɔɔ gi gyɛ lɛ.

Wegɔnévɔlenu 3:2 ပူးပေါင်းရင်းမြစ်များ

1 Minwiinzannu 3:14

Yé dé i tawo anlé zinu ta an déretawe valé anlé bélidɔwe kɛlɛle nya, i ti David a kɛlɛ fɛan zo, a zo, maa dan ilé tɛrɛla taa pa lɛ.

JOB (Job) 5:26

I dan go lɛ yɛrɛ gi ilé kwala gi, Bélé ’sanwun lé wa sia é siabléyi va, a zo.

Lɛrɛvɔ Sɛbɛ 119:165

Munuan ilé bélidɔwenu sɔ wo lɛ, vole drɔɔ kiɛre a wozé nya, Yé wenaané do ’ka bɔa wo ma lo.

Lɛrɛvɔ Sɛbɛ 128:6

I dan i nénénu ye lɛ. Vole drɔɔ ’é vo Izraɛl ta ma.

Lɛrɛvɔ Sɛbɛ 21:4

Naa, i da ilé zin drɔɔvolenu nya a lɛ, I kyan tegele wo a ’wuo ma tɔkoro nya.

Lɛrɛvɔ Sɛbɛ 91:16

Maa dan a kan lɛ yi kiɛre nya, Yé maa mi sié we gi fɛan zo, maa dan a gɔɔn lɛ a lɛ.

Wegɔnévɔlenu 10:27

Kanale Gakelebale lee éé mi yinu taa zén‐é a ta, naa, woo mi nyanénu lé lɛɛnu bɔié a ta.

Wegɔnévɔlenu 16:31

Mi nwana a tɔkoro nya; zi tegele ta lé wa yé.

Wegɔnévɔlenu 4:10

An be, ’i tɔné dɔ, yé ’i an dére nyi si; yé ilé tɛrɛla lɛɛnu taa é dan pa lɛ.

Wegɔnévɔlenu 4:4

An ti we paa an gi, yé é lé an lɛ léé: An dére ’é vo i bli gi ma; ’i anlé weplale nyi si yé é dan vo lɛ é yuɛma.

Wegɔnévɔlenu 9:11

Maa nya lé ilé yinu taa é dan pa lɛ, yé ilé tɛrɛla lɛɛnu gi é dan gyɛ lɛ.

Ézai 32:17

We tegele kɛlɛwe é dan kɛlɛ lɛ vole drɔɔ nya, yé we tegele tɔnɔ é dan kɛlɛ lɛ flinle valé nyanale duaa nya, yifaama.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Bélidɔwesɛbɛ Fiézan 11:21

Dé ka kɛlɛ, ka valé kalé nénu é dan mɔn lɛ, tɛrɛ lé Gakelebale a nɔle fe ka tranu lɛ ébo ’nyɔɔnle nya, a ta, bélé la mɔn é dunle tɛrɛ la loru fɛan zo, a zo.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.