Wegɔnévɔlenu 28:1 - Kazambale lé Sebe Sauunu 1979

¹ Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Wegɔnévɔlenu 28:1 ပူးပေါင်းရင်းမြစ်များ

1 Minwiinzannu 1:49

Kana blɛn zén Adonija lé milaalenu gi; wo nwa yé wo faa do do ’wobo lé zi sia.

2 Minwiinzannu 7:15

Wo go wo zuo fɔɔ yé wo bɔ Juudɛn yuu ma; yé bé ye, zi faa ta a é sɔɔle sɔnu valé fɛnu lé Sirinu wo vuli wo tunule we ma, wo nya. Nwunvɔmunu da, yé wa zuo fe minwiinzan lɛ.

Néémi 6:11

Maa a zi pa léé: Maa? Maa yɔɔma? Yé é ziin, mi pla bélé maa zo, é bɔa wɔrale lɛ Bale lé fɛna tinle na yé é vo é yuɛmaa? Maa ’ka dan wɔra lɛ ’bɛna pelo.

JOB (Job) 15:21

Mi zuru va nyɛ kini dérenu éé wé a tɔné gi, Vole drɔɔ bléyi va, fɛsɛrɛzan é dan ’wii lɛ a ta;

Lɛrɛvɔ Sɛbɛ 112:7

Dé é wenaané ’ma, kana ’ka zén‐é a gi lo, A bli ta a plɛplɛ, ’té é a é pale Gakelebale ta.

Lɛrɛvɔ Sɛbɛ 53:5

Munu lé woo weple kɛla, dé wedɔɔle saan wo gii? É sɔ wo lɛ léé, wo anlé munu ble bélé fɛblele zo; Wo ’ka Bale tɔ laan pelo.

Lɛrɛvɔ Sɛbɛ 53:6

Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Fwile 11:8

Yé i wuozannu lé ke ’ko, wo faa dan da lɛ ’é va yé wo dan dia lɛ ’wo bli la ’é ’lɛ a fele nya léé: ’I go, bii valé i bɛmamunu faa nya. ’Bɛ zuo é dan go lɛ. Moizi si Faraɔn va, é bli flile baba nya.

Wegɔnévɔlenu 10:9

Mi lé a dɔbɛ ke wéiin, éé tawoo ’té kana ’ka a gi lo, naa, mi lé éé zi plinlenu sian, a ta é dan bɔra lɛ.

Wegɔnévɔlenu 27:27

bolitina nyɔyi a kalé fɛblele nya, bii koo, ilé kɔngimunu koo, i wuolomu koo, kazé nya.

Ézai 30:17

Dé mi do é bɛ nwa, mi wuru soru é dan fwi lɛ; dé mi soru ’wo bɛ nwa, ka faa é dan fwi lɛ fɔɔ yé ka lé ka vo, ka dan kɛlɛ lɛ bélé tɔmase do zo gɔ nwiin, bélé drapo zo gɔpané ta.

Ézai 7:2

Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:36

Ka va munu lé wo vo é yuɛma ’wo nyanézannu lé tɛrɛ la, maa dan wo zuru va nyɛ kini lɛ; yililaa vun lé é ke wena bɛ, a lee lé wo dan vlan buru lɛ; wo dan vlan buru lɛ bélé fɛan zo lé mi éé vlan buruwo gwɔun ’lɛ, a zo, ’té woo goo diale nya, dɔlé ’té mi do kpen ’ka wo zuo lo.

Kelewenu 14:3

Wo mɔn Ikonium duowo, yé wo we fe ’wo bli ta plɛplɛ nya, ’té wo bli a Mizan lɛ, yé ’bɛ dɔ élé zin dére zuo, yé ’bɛ a se kɛlɛ wo lɛ léé, wo we blɛnblɛnnu valé gyɛzorowenu kɛlɛ.

Kelewenu 4:13

Wa ye léé, Piɛri valé Jan bli ta dɔ plɛplɛ yé wa gi dɔɔ léé, wa flami planu lé wo ’ka we dɔɔa lo, wo nya, yé wo gi vuru. Yé tɔɔn, é dɔ wo gi léé, wa é kyɛn Jézu va.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:7

Ka nyanézannu lé wo dan nwa lɛ ka ma, Gakelebale é dan a guli ’wuo nɔ lɛ ka lɛ; wo dan wo dazi ye lɛ ka va gulidanle we ma, yé wo gozi ’ka dan ye lɛ lo.

1 Tɛsalɔnik munu 2:2

Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre.