Wegɔnévɔlenu 27:22 - Kazambale lé Sebe Sauunu 1979

²² Dé i ’tugyɛzan pa ’sa va yé bé zɔn ’woli gi nwuni nyaoo, a voro ’ka so a ma lo.

Wegɔnévɔlenu 27:22 ပူးပေါင်းရင်းမြစ်များ

1 Minwiinzannu 13:33

We ’ko zuo, Jéroboam ’ka diéra lɛ élé zi naané ta lo. É munu si é ziin munu faa méléna yé é wo dɔ gɔ nwiin yobannanu lé balebanzannu nya; dé é sɔ miomian lɛ léé, ’é kɛlɛ balebanzan nya, éé ’bɛzan kɛla a nya gɔ nwiin yobannanu zé nya.

Fwile 12:30

Faraɔn nwa é béli, yee koo, é wuozannu faa koo, Éjipiti munu faa koo, wo nya; kɔn lé migale ’ka a gi lo, a do kpen ’ka lo, amalé wo siaa blɛnnu wo Éjipiti tɛrɛ la.

Fwile 14:5

Wa fe Éjipiti mununwiinzan blɛn lɛ léé, munu vlan buru. Yé Faraɔn valé é wuomunu bli nɔla munu lé we ma. Wo léé: Mɛ ɛ kɛlɛ ko lɛ yé ko daan Izraɛl ma, wo go, yé wo ’ka kolé nyanama paan é dɛrɛ loo?

Fwile 15:9

Ko nyanézan léma: Maa dan go lɛ wo zuo, maa dan dɔ lɛ wo ma, Maa dan gulizarafɛ guli lɛ, Maa dan anlé we lɛgi pa lɛ wo ma fɔɔ yé an bli ma kɔn ’é si. Maa dan anlé gwɔun so lɛ é kɔlɛ gi, an bɛ é dan wo kulu ga lɛ.

Wegɔnévɔlenu 14:24

Fuafɛnu a wedɔɔzannu lé tɔkoro nya; ’tugyɛzannu lé tavowe a yifaama ’tu tanle nya.

Wegɔnévɔlenu 23:35

Wo fɔlɛ duun an lɛ, é ’ka ’naan an ma lo! Wo an bla, maa ’ka a tɔntɔn gi dɔɔa lo! Maa dan vuo lɛ mɛ bléyi nyaa? Maa a a va é ziin.

Wegɔnévɔlenu 26:11

’Tugyɛzan lé éé nɔlaan élé ’tugyɛwe va, é a bélé blén lé éé nɔlaan é féé va, a zo.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Jérémi 13:23

Étiopi mi éé bɔa é kɔlɛ nɔlale lɛɛ? Kua éé bɔa é kɔlɛ vɔɔle nɔlale lɛɛ? A zo duo lé, ka lé, wenaané kɛlɛlɛ vɔ ka lee, ka bɔaléé, ka wezin kɛlɛɛ?

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

1 Samuɛl 19:21

Wa zuo fe Saul lɛ, yé é mi bɛnu pa zia yé ’bɛnu é ziin, ’bɛnu balelawe fe. É munu pa zia a gɔnɔ yaazan nya yé ’bɛnu wo é balelawe fe é ziin.