Wegɔnévɔlenu 22:4 - Kazambale lé Sebe Sauunu 1979

⁴ Bo kiéné valé kanale Gakelebale lee ma tɔnɔ lé ke fuablele koo, tɔbɔle koo, vole é yuɛma koo, wo nya.

Wegɔnévɔlenu 22:4 ပူးပေါင်းရင်းမြစ်များ

Wegɔnévɔlenu 19:23

Kanale Gakelebale lee éé goo mi nya bélina; éé lɔrɔ sié mi ma yé éé yi gya drɔɔ, ’té wenaané do kpen ’ka kɛla a lɛ lo.

Wegɔnévɔlenu 21:20

Fɛwezannu baba valé nyɔnɔ a wedɔɔzan lé kɔn gi, naa, ’tugyɛzan éé wo sɛra.

Wegɔnévɔlenu 21:21

Mi lé éé goo we tegele valé we zin zuo, bélile koo, we tegele koo, tɔbɔle koo, wa azé nya.

Wegɔnévɔlenu 22:3

Yuɛikinizan éé wenaané yé, yé éé yɔɔan, naa, nékénénémi éé goo é ’lɛ mi, yé woo we lɛdɔa a gi.

Wegɔnévɔlenu 22:5

Lélinu valé sanbalenu a mi vɔnle lé zi ta; mi lé éé yuɛ paan ébozen va, éé sié a ma baa.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Wegɔnévɔlenu 3:16

Mɔnle tɛrɛ la a wedɔɔle bɛyi lee; fua valé tɔbɔle a a bɛbo lee.

Wegɔnévɔlenu 31:30

Zin a dabli nya, yé yara nɔnɔmi a fɛ boa nya; lezan lé éé kanaan Gakelebale lee, yee lé wo dan a tɔ bɔ lɛ.

Ézai 33:6

I dan ilé tɛrɛla kɛlɛ lɛ drɔɔ; wedɔɔle valé ’wuoatawe a sile we gi ’wuo nya; kanale Gakelebale lee a Siɔn munu lé fɛwezan nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Daniɛl 4:36

’Bɛ bléyi va an ’wuo dɔ an ta é ziin; wo an plale mi nwiin tɔbɔle valé anlé fua valé an tɔ blɛn nɔ an lɛ é ziin; we pla anlɛzannu valé anlé mi segelenu an ma laa é ziin; wo an dɔ minwiinzan nya an pa gi, ’té anlé plɛplɛ gi éé gya saawo.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

SEBE LÉ JAK A GYE (Épitre de Jacques) 4:10

’Kabo kɛlɛ kiéné Mizambale ’lɛ, yé é dan ka kɛlɛ lɛ blɛn.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.